جاپون عالىمدارى ادامدى ارىقتاتاتىن ءدارى جاساپ جاتىر
سەمىزدىك - ادام دەنساۋلىعىنا كەرى اسەر ەتەتىنى بارشاعا ءمالىم: قان قىسىمى ارتادى، جۇرەك اۋرۋلارى پايدا بولادى، وبىر پايدا بولادى جانە بۇل ەڭ باستىلارى عانا. دارىگەرلەر قازىرگە دەيىن سەمىزدىكتەن قۇتىلۋدىڭ بىرەگەي ءتاسىلىن ويلاپ تاپقان جوق، سوندىقتان تەك قانا تاماقتانۋ ءتارتىبىن رەتكە كەلتىرۋ ارقىلى ءارى سپورتپەن شۇعىلدانۋ ارقىلى دەنە سىمباتىن ساقتاۋعا بولادى.
اكينوري تاكاحاشي ەسىمدى عالىم ارىپتەستەرىمەن بىرگە سەمىزدىك سىرىن گەنەتيكالىق دەڭگەيدە زەرتتەپ كوردى. جۇمىس بارىسىندا ولار مولەكۋليارلىق مەحانيزمدەردىڭ ءبىرى مايدىڭ جينالۋى جانە جويىلۋىنا جاۋاپتى ەكەندىگىن تاپتى.
ەكسپەريمەنتتەر تىشقاندارعا جۇرگىزىلدى. ولار Cnot7 جانە Tob گەندەرىنىڭ جەتىمسىزدىگى كەزىندە قانشا تاماق ىشسە دە سەمىرمەگەن. ماماندار سەمىزدىك گەنىنەن قىسىم تۇسىرەتىن ءدارى جاساۋدى قولعا الدى. بۇل ادامداردى سەمىزدىكتەن قۇتقارادى دەگەن بولجام بار، دەپ جازادى شەتەلدىك ب ا ق.
