لەۆيت پەن ءابدىراحمانوۆ - ازيانىڭ ۇزدىك بوكسشىلارىنىڭ قاتارىندا

استانا. قازاقپارات - ازيا بوكس كونفەدەراتسياسى جىلدىڭ ۇزدىك بوكسشىلارىن انىقتادى.

«ازيانىڭ ۇزدىك جاس بوكسشىسى» قازاقستاننىڭ جاستار قۇراماسىنىڭ مۇشەسى، 75 كەلىگە دەيىنگى سالماق دارەجەسىندە بوكستاساتىن جامبىلدىق ءابىلحان امانقۇل اتاندى. ول بيىل ءوزى قاتىسقان بارلىق جارىستا التىن العان.

بەرىك ءابدىراحمانوۆ (60 كەلى) « АРВ جوباسىنداعى ازيانىڭ ەڭ ۇزدىك بوكسشىسى» اتاعىن السا، «WSB جوباسىنداعى ازيانىڭ ۇزدىك بوكسشىسى» نوميناتسياسىندا ۆاسيلي لەۆيت جەڭىسكە جەتتى. ءابدىراحمانوۆ پەن لەۆيت وسى ەكى جوبا بويىنشا ريو وليمپياداسىنا جولداما العان.

ال ازيا قۇرلىعىنىڭ ۇزدىك بوكسشىسى اتاعى 81 كەلىدەگى وزبەكستاندىق بوكسشى بەكتەمىر مەليكۋزيەۆكە بۇيىردى. قۇرلىقتىڭ ۇزدىك باپكەرى اتاعى وزبەكستان قۇراماسىنىڭ جاتتىقتىرۋشىسى رۋستام سايدوۆقا بەرىلدى.

بىلتىر ۇزدىك باپكەر اتاعى مىرزاعالي ايتجانوۆقا، ۇزدىك بوكسشى اتاعى دانيار ەلەۋسىنوۆكە بەرىلگەن ەدى.

alaman.kz