قازاقستاندىق تەڭگە قۇنسىزدانعان ۆاليۋتالاردىڭ رەيتينگىندە ءبىرىنشى تۇر
بەلورۋس رۋبلى جانە ۋكراين گريۆناسى ەۋروپا مەن ت م د- نىڭ 2015-جىلدىڭ قورىتىندىسى بويىنشا قۇنسىزدانعان ۆاليۋتالاردىڭ رەيتينگىندە ەكىنشى جانە ءۇشىنشى ورىندى الىپ وتىر. مۇنداي مالىمەت ۋكرايناداعى Forex Club اقپاراتتىق-ساراپتامالىق ورتالىعىنىڭ جىل سايىنعى زەرتتەۋىندە كەلتىرىلەدى، - دەپ حابارلايدى كوررەسپوندەنت.net.
بيىل، ساراپشىلاردىڭ ەسەبى بويىنشا، تەڭگە 85,2 پايىزعا دەيىن ديەۆالۆاتسياعا ۇشىرادى، بەلورۋس رۋبلى 54,3 پايىزعا جانە ۋكراين گريۆناسى 48,7 پايىزعا.
Forex Club ساراپشىلارى قازاقستان ەكونوميكاسىنا قىتاي يۋانى مەن Brent ماركالى مۇنايىنىڭ 2015-جىلدىڭ باسىنان بەرى 33 پايىزعا ارزانداعانى اسەر ەتتى دەگەندى ايتادى. ايتۋلارىنشا، سول سەبەپتى قازاقستان ۇلتتىق بانكى تامىزدا ەركىن اۋىتقۋ باعامىنا وتۋگە ءماجبۇر بولدى.
تىزىمدە 2015-جىلى ت م د ەلدەرىنىڭ ۆاليۋتالارىنىڭ نىعايماعانىن كورۋگە بولادى. ال ەۋروپالىق ۆاليۋتالاردىڭ ىشىندە ديەۆالۆاتسياعا نورۆەگ كروناسى ۇشىراعان - 15,8 پايىز. بۇل جاعداي الەم نارىعىنداعى مۇناي مەن گازدىڭ ارزانداۋىنان بولعان.
ەسكە سالايىق، تەڭگە باعامى سوڭعى بىرنەشە كۇندە تاريحي انتيرەكوردتاردى جاڭارتىپ جاتىر. 18- جەلتوقسان كۇنگى كەشكى جاعداي بويىنشا، ءبىر دوللار الماتى مەن استانادا ورتاشا 350 تەڭگە تۇرادى.
tengrinews.kz
