گامبيالىق لەگيونەر «ەرتىس-پاۆلودار» فۋتبول كلۋبىن سوتقا بەردى
ءىس ماتەريالدارىندا كاسىبي فۋتبولشىنى «ەرتىس-پاۆلودار» فۋتبول كلۋبى» ج ش س- نە تارتۋ ءۇشىن سوتقا ارىز بەرۋشى مەن جاۋاپ بەرۋشىنىڭ اراسىندا كەلىسسوزدەر جۇرگىزىلىپ، سونىڭ قورىتىندىلارى بويىنشا ارىز بەرۋشى كلۋبتا جۇمىس ىستەۋگە كەلىسىمىن بەرگەنى، ال جاۋاپ بەرۋشى ارىز بەرۋشىنى قازاقستان رەسپۋبليكاسى چەمپيوناتىنا قاتىسۋ ءۇشىن كاسىبي فۋتبولشى رەتىندە قاراستىرعانى جازىلعان، دەپ حابارلايدى وبلىستىق سوتتىڭ باسپا ءسوز قىزمەتىنەن.
ارىز بەرۋشىمەن 2015-جىلدىڭ 24- ماۋسىمىنان باستاپ 2015-جىلدىڭ 15- قاراشاسىنا دەيىن كاسىبي فۋتبولشىنىڭ مىندەتتەرىن ورىنداۋ كەلىسىم شارتى جاسالدى.
ارىز بەرۋشىنىڭ جازباشا ءوتىنىشى بويىنشا 2015-جىلدىڭ 7- قىركۇيەگىندەگى بۇيرىقپەن كەلىسىم-شارت ق ر ەڭبەك كودەكسىندەگى 57-باپتىڭ 3-بولىمىنە سايكەس بۇزىلدى.
«ەڭبەك شارتىن بۇزۋ نەگىزدەمەلەرىمەن جانە ەڭبەك زاڭناماسىنىڭ بۇزۋشىلىقتارىمەن كەلىسپەگەن ارىز بەرۋشى سوتقا بۇزىلعان قۇقىعىن قالپىنا كەلتىرۋ تۋرالى ارىز بەردى»، - دەلىنگەن حابارلامادا.
پاۆلودار قالالىق سوتىنىڭ شەشىمىمەن ارىز بەرۋشىنىڭ ارىز تالاپتارى ءىشىنارا قاناعاتتاندىرىلدى جانە قازاقستان رەسپۋبليكاسىنىڭ ەڭبەك زاڭناماسىنا سايكەس جاۋاپ بەرۋشىدەن سوڭىنا دەيىن تولەنبەگەن جالاقى، ەڭبەك دەمالىسىنىڭ پايدالانىلماعان كۇندەرى ءۇشىن وتەماقى، جالاقىنىڭ كەشىكتىرىلىپ تولەنگەنى ءۇشىن ءوسىم پۇل جانە جول ءجۇرۋ شىعىندارى تولەتىلدى.
سوت شەشىمى زاڭدى كۇشىنە ەنگەن جوق.
