رەسەي تۇركياعا قارسى سانكتسيالاردى ۇلعايتپاق
«كوممەرسانت» باسىلىمىنىڭ اقپارىنا ساي، جاڭا ءتىزىم رەسەي پرەزيدەنتىنىڭ انكاراعا قارسى «ارنايى ەكونوميكالىق شارالار» قاۋلىسىندا كورسەتىلگەن.
ەسكە سالساق، 30 - قاراشادا رەسەي تۇركيادان كەلەتىن ازىق- تۇلىك يمپورتىن توقتاتتى. 2016 -جىلدان باستاپ جۇمىس كۇشىن جالداۋدان ءبىرجولا باس تارتپاق. «ال بولاشاقتا رەسەيدە بيزنەسى ءجۇرىپ تۇرعان تۇرىك كومپانيالارىنىڭ كاسىبى دە توقتاۋى مۇمكىن» ، - دەلىنگەن ماقالادا. قازىردىڭ وزىندە رەسەيلىك تۋركومپانيالار تۇركيا كۋرورتتارىنان باس تارتىپ، اۋە قاتىناسىن ءۇزدى. باسىلىم «ەكى ەل اراسىنداعى سالقىندىق قازاقستاندا دا قىمباتشىلىق ورناۋىنا اكەلىپ سوقتىرۋى مۇمكىن» ، - دەپ جازادى.
بۇعان دەيىن رەسمي انكارا شيەلەنىستى شەشۋدە استاناعا ءۇمىت ارتاتىنىن مالىمدەگەن. نۇرسۇلتان نازاربايەۆ جۋرناليستەرگە بەرگەن سۇحباتىندا: «ماسكەۋ مەن انكارا ءوزارا مامىلەگە كەلۋى ءتيىس. سانكتسيالار سوعىسى ەشكىمگە پايدا اكەلمەيدى»، - دەپ الاڭداۋشىلىق تانىتتى. رەسەي- تۇركيا قارىم- قاتىناسى تۇرىك اۋە كۇشتەرىنىڭ سيريامەن شەكارالاس اۋماقتا رەسەيلىك سۋ-24 ۇشاعىن اتىپ تۇسىرگەننەن كەيىن سالقىندادى.
astanatv.kz
