استانادا ۇلەسكەرلەردىڭ اقشاسىن جەگەن تاعى ءبىر كاسىپكەر تۇتقىندالدى

استانا. قازاقپارات - استانادا ۇلەسكەرلەردىڭ ميلليوندارىن جيناپ الىپ، ءۇيسىز قالدىرعان كاسىپكەرلەر ءالى تۇتقىندالىپ جاتىر.

پوليتسيا تاعى ءبىر بيزنەسمەننىڭ قولىنا كىسەن سالىپ، قاپاسقا قامادى.

قاماۋعا الىنعان «حازىرەت» تۇرعىن ءۇي كەشەنىن سالۋعا قاتىسى بولعان باگايەۆ ەسىمدى ازامات، دەپ حابارلايدى.ktk.kz.

بۇعان دەيىن ونىڭ ديرەكتورى - «شەيح كاز ينۆەست» سەرىكتەستىگىنىڭ قۇرىلتايشىسى ولگا شنايدەر تۇتقىندالعان ەدى. تەرگەۋ ماتەريالدارىنا سۇيەنسەك، شنايدەر سىبايلاستارىمەن بىرگە جۇزدەگەن ۇلەسكەردەن جينالعان جارتى ميلليارد تەڭگەنى قالتاعا باسقان.

ايتا كەتسەك، استانادا ءۇي سالامىز دەپ الداپ مىڭداعان تۇرعىندى تاقىرعا وتىرعىزعان كاسىپكەرلەر ءبىرازدان بەرى تۇتقىندالىپ جاتىر. «ءال-باراكات»، «كاپيتال ستروي سەرۆيس» كومپانياسىنىڭ جەتەكشىلەرى دە قاماۋدا سوتتىڭ باستالۋىن كۇتۋدە. ءبىراق ۇستاتپاي جۇرگەندەر دە بار. ماسەلەن، جۇرتتان 27 ميلليارد تەڭگە جيناپ العان ەكس-دەپۋتات، «ازبۋكا جيليانىڭ» باسشىسى ەرقانات تايجانوۆ اۆستريادا بوي تاسالاپ ءجۇر.