09:54, 19 - جەلتوقسان 2015 | GMT +5
باسىمەن پلافونعا كەپتەلىپ قالعان كۇشىك قۇتقارىلدى - كەسكىن
استانا. قازاقپارات - روستوۆ وبلىسىنىڭ ىزدەۋ-قۇتقارۋ وتريادىنىڭ قىزمەتكەرلەرى باسىمەن پلاستماسسا پلافونعا (اسپالى شامعا كيگىزىلەتىن قالپاق) كەپتەلىپ قالعان كۇشىكتى قۇتقاردى.
«شامامەن 17 ساعاتتا روستوۆ وبلىسى نوۆوشاحتينسك قالاسىنىڭ ىزدەۋ-قۇتقارۋ وتريادىنا قولىمەن كۇشىكتى كوتەرىپ العان، قاتتى الاڭداۋلى ەر ادام كەلگەن»، - دەپ باياندادى بۇل وقىس وقيعا جايلى روستوۆ وبلىستىق ىزدەۋ-قۇتقارۋ وتريادىنىڭ قوعاممەن بايلانىس قىزمەتىنىڭ مامانى تاتيانا كيرەيەۆا.
كۇشىك ەسكى پلاستماسسا پلافونعا باسىن تىعىپ، قايتا شىعارىپ الا الماعان. يەسىنىڭ دە بۇل قولىنان كەلمەگەن كورىنەدى. ىزدەۋ-قۇتقارۋ وتريادىنىڭ قىزمەتكەرلەرى تىستەۋىكپەن پلاستماسسانى كەسىپ، كۇشىكتى تۇتقىننان بوساتتى. دەپ جازادى lifenews.ru.
