09:42, 19 - جەلتوقسان 2015 | GMT +5
باتىس قازاقستاندىق سۋرەتشى ءا. قاستەيەۆ اتىنداعى التىن مەدالمەن ماراپاتتالدى - فوتو
ورال. قازاقپارات - قازاقستان رەسپۋبليكاسى سۋرەتشىلەر وداعىنىڭ شەشىمىمەن باتىس قازاقستاندىق بەلگىلى سۋرەتشى، وسى وداقتىڭ ب ق و فيليالىنىڭ ءتوراعاسى قايىر ورازعاليەۆ قازاقستان حالىق سۋرەتشىسى ءابىلحان قاستەيەۆ اتىنداعى التىن مەدالمەن ماراپاتتالدى.
سونىمەن قاتار ماناربەك داۋلەتياروۆ، حايدار شابليەۆ، سەرگەي زينين، سەرگەي بەردنيك تاۋەلسىزدىك مەيرامىنا وراي قازاقستان سۋرەتشىلەر وداعىنىڭ ماداقتاماسىن يەلەندى. بۇعان قوسا بەينەلەۋ ونەرىندەگى كاسىبي شەبەرلىكتەرى ءۇشىن تولەپبەرگەن سارمانبەكوۆ، ەرعالي بەكەشيەۆ، باقتىعالي ورازوۆ، ءاشىم تاسقاليەۆ، اسحات ابدەشيەۆ استانا سۋرەتشىلەر وداعى تاعايىنداعان «قۇرمەت» توسبەلگىسىن وڭىرىنە تاقتى.
ايتا كەتەيىك، قازاقستان سۋرەتشىلەر وداعىنىڭ باتىس قازاقستان وبلىستىق فيليالى - ەلىمىزدەگى ەڭ باستاماشىل قوعامدىق ۇيىمداردىڭ ءبىرى. ورالدىقتاردىڭ ۇسىنىسىمەن رەسپۋبليكالىق پلەنۋمدا 15- قازان قازاقستان رەسپۋبليكاسى بويىنشا سۋرەتشىلەر كۇنى بولىپ بەكىتىلدى.
