قىزىلوردالىق كوپبالالى وتباسىلار ازىق-تۇلىكتى جارتى باعاعا الا الادى

قىزىلوردا. قازاقپارات - بۇل تۋرالى بۇگىن وبلىستىق جەدەل شتاب وتىرىسىندا ايماق باسشىسى قىرىمبەك كوشەربايەۆ مالىمدەدى، دەپ حابارلادى وبلىستىق اكىمدىكتىڭ باسپا ءسوز قىزمەتىنەن.

وسى ايدان باستاپ سىرداريا اۋدانىنىڭ ورتالىعىندا تەرەڭوزەك كەنتىنىڭ تۇرعىندارى الەۋمەتتىك دۇكەندەردەن ازىق- تۇلىكتى 50 پايىز جەڭىلدىكپەن ساتىپ الا الادى.

جيىندا وبلىس اكىمىنىڭ ورىنباسارى سەرىك قوجانيازوۆ پەن ق ر ۇلتتىق ەكونوميكا مينيسترلىگى تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتىنىڭ قىزىلوردا وبلىسى بويىنشا دەپارتامەنتىنىڭ باسشىسى نۇرلان ءپىرىموۆ الەۋمەتتىك ماڭىزى بار ازىق-تۇلىك باعالارى تۋرالى بايانداما جاسادى. جالپى وبلىستا باعا ءبىرقالىپتى جانە ازىق- تۇلىك قورى جەتكىلىكتى،

الەۋمەتتىك دۇكەندەردىڭ جۇمىسى تۋرالى سىرداريا اۋدانىنىڭ اكىمى عانيبەك قازانتايەۆ ايتىپ بەردى. ماسەلەن، كوپبالالى 123 وتباسى (بارلىعى 544 ادام) نارىق باعاسىنان 30 پايىز جەڭىلدىكتە ازىق-تۇلىك ساتىپ الا السا، 7 بالادان كوپ وتباسى 50 پايىز جەڭىلدىك كورسەتىلەدى. سىرداريا اۋدانىنىڭ اكىمىنىڭ ايتۋىنشا، كوپبالالى وتباسىلاردىڭ ءتىزىمى جاسالىپتى. قازىر اۋداندا ءدال وسىنداي تاعى ءبىر دۇكەن اشۋ باعىتىندا جۇمىس جاسالىپ جاتىر. ايماق باسشىسى وزگە اۋداندارعا سىرداريادان ۇلگى الۋ قاجەتتىگىن ەسكەرتتى.

«سىرداريا اۋدانى جاقسى باستامانى قولعا الىپ وتىر. ءدال وسىنداي دۇكەندەردى بارلىق اۋداندا اشۋ قاجەت. اسىرەسە، وبلىس ورتالىعىنا قاجەت»، - دەدى وبلىس اكىمى ق. كوشەربايەۆ.

اۆتور: ەلۋباي اۋەزوۆ