بايان ەسەنتايەۆانىڭ قىزى: ءبىز ۇنەمى جالعان نامىسقا بەرىلەمىز
ءوز جازباسىن بويجەتكەن Instagram پاراقشاسىندا جاريا ەتكەن.
«ماعان كەي كەزدەرى بىزدە ۇلت رەتىندە جالعان نامىسشىلدىق بار سياقتى بولىپ كورىنەدى. بىزگە ۇدايى بىرەۋ جامان قارىم-قاتىناس جاساپ، قۇقىقتارىمىزدى اياق-استى ەتكەندەي بولىپ كورىنەدى. وزگەلەردەن ءوزىمىزدى كەم ساناۋىمىز - قاتە پىكىر. سەبەبى، ءبىزدىڭ جەردى ەركىن باسىپ جۇرگەنىمىزگە ءبىرتالاي جىل بولدى، ءبىزدىڭ مەملەكەت انا تىلىندە سويلەيدى، كەڭەس وداعىنىڭ قيىندىقتارىنان حابارسىز ۇرپاق رەتىندە تامىر تاستاپ تا ۇلگەردىك. بالالار قازاق مەكتەبىنە بارادى، ءتىپتى حالىقتىڭ %21 ىن قۇرايتىن ورىستار دا ءوز بالالارىن قازاق مەكتەبىنە بەرۋگە كىرىسكەن. نەگە؟ ويتكەنى، ءبىزدىڭ مەملەكەت گۇلدەنىپ كەلەدى، جۇزدەن استام ۇلتتىڭ وتانى بولىپ وتىر. بۇل ءبىزدىڭ ورتاق مەكەنىمىز»، - دەيدى ايساۋلە.
ونىڭ ويىنشا، سوڭعى جىلدارى قازاقستان ءوز دامۋىندا كوپتەگەن جەتىستىكتەرگە جەتكەن.
«كوبى بىلە بەرمەيتىن دە شىعار، ءبىراق ءبىزدىڭ ەلدە كەدەيلىكتىڭ دەڭگەيى %3 عانا. ال ادامنىڭ ەكىنشى ورىنداعى قاجەتتىلىگى - قاۋىپسىزدىك. ماعان سەنسەڭىز بولادى، قازاقستاندا تۇرساڭىز، ينگلۆۋدتا تۇرۋدىڭ قانشالىقتى اۋىر ەكەنىن ەلەستەتە المايسىز. 2001 -جىلى ەلىمىزدە كەدەيلىك دەڭگەيى %47 بولعانىن دا ۇمىتپاعايسىز. قانداي جەتىستىكتەرگە جەتكەنىمىزدى ويلاپ كورىڭىزشى. دۇنيەجۇزىلىك بانككە بەرەشەگىمىزدىڭ جارتىسىنان كوبىن تولەپ ۇلگەردىك. ءوز ەلىمىزدە الەمدىك دەڭگەيدەگى وليمپيادالار، جارىستار، ءىس- شارالار ۇيىمداستىرىپ جاتىرمىز. ءبىز ءار ۋاقىتتا يگى بولماسا دا، ويىمىزعا كەلگەندى كەز-كەلگەن ادامعا ايتا الامىز. جەر-جەردى ارالاپ، الەمگە كوز سالامىز. اۋىر كەزەڭدەردى ەڭسەرىپ، ءوز الەمىمىزدى وزگەرتتىك. ال ءبىزدىڭ الەم ول - وتانىمىز. ءبىز ءوز جەرىمىزدىڭ قوجايىندارىمىز، ءبىز ەندى وزگەلەرگە ەشتەڭە دالەلدەۋگە مىندەتتى ەمەسپىز، ەندى ەشكىممەن سوعىسپايمىز»، - دەپ جەتىستىكتەردى تىزبەكتەدى پروديۋسەردىڭ قىزى.
بويجەتكەن ءوز ۇلتىن جاقسى كورمەيتىندەردى سىنعا الدى.
«ءوز ۇلتىن ۇناتپايتىنداردى جاقسى كورمەيمىن. «اۋىلباي» دەپ سانايتىنداردى جاقتىرمايمىن. اۋىلعا بارعانعا نامىستانۋ دۇرىس ەمەس. ال ونداي ادامدار بارشىلىق. مەنىڭشە، كەيبىرى وندايلاردى كەزىكتىرىپ تە ۇلگەرگەن. كەي كەزدەرى ماعان بارلىعىنا ءبىزدىڭ وزگەلەرگە عانا ەمەس، وزىمىزىگە دەگەن قارىم- قاتىناسىمىز سەبەپكەر سياقتى بولىپ كورىنەدى. مەن ءۇشىن ءوز قانىنان باس تارتقاندار - جيىركەنىشتى ادامدار. ولاردىڭ قۇنى - كوك تيىن»، - دەپ جالعاستىردى باقىتبەك.
ايساۋلە ءوز جازباسىندا بەشبارماق پەن كورىمدىك سەكىلدى ۇلتىمىزدىڭ ەرەكشەلىكتەرىن ءسوز ەتتى.
«ءۇيىڭىز ءمىنسىز بولماۋى مۇمكىن، ءبىراق وندا دۇنيەگە كەلسەڭىز، بەكەردەن ەمەس. ياعني ءسىز وتانىڭىزدىڭ الدىندا بەلگىلى ءبىر مىندەتتى ورىنداۋ ءۇشىن جارالدىڭىز. ءبىزدىڭ كەي وتانداستارىمىز شاعىمدارمەن ءوز ەلىنەن بەزىپ، اقىرى قايتا ورالۋدى ارمانداپ ءجۇر. سەبەبى، ءوز وتانىن سۇيمەيتىندەر - باقىتسىز بەيباقتار. ولاردى ەشكىم سەبەپسىز بەشبارماققا شاقىرمايدى، ەشكىم قىمبات دۇنيە العانىنا كورىمدىك بەرمەيدى، ولاردىڭ كەشىگۋى، ەندى ەلەۋسىز قالمايتىن بولادى. ال سىزدەر باستارىڭىزدى كوتەرىپ، ەمىن- ەركىن جۇرگەندەرىڭىزگە قۋانۋىڭىز كەرەك»، - دەيدى ايساۋلە.
دەرەككوز: NUR. KZ
