ميعا وپەراتسيا جاساعان دارىگەرلەر ساكسوفون قولداندى
12 ساعاتقا سوزىلعان وپەراتسيا كەزىندە ناۋقاس وياۋ جاتىپ، ساكسوفون ويناپ شىققان. «بۇل - ونىڭ ەستۋ، سويلەۋ جانە قوزعالىس قابىلەتىن تەكسەرۋ ءۇشىن جاسالعان شارا»، - دەيدى دارىگەرلەر. باس ميىنان پايدا بولعان قاتەرلى ىسىك 27 جاستاعى جىگىتتىڭ مۋزىكا قابىلداۋ قاسيەتىنە نۇقسان تيگىزە جازداعان. ءبىراق تىعىرىقتان شىعۋدىڭ جولىن ىزدەگەن ماماندار اقىرى سوڭىندا ىندەتتىڭ بۇل تۇرىنە تىڭ ەم تاپقان. ولاردىڭ ايتۋىنشا، بۇنداي وپەراتسيا ەۋروپادا العاش رەت جاسالىپ وتىر.
گيلەرمو يبانەز، نەيروحيرۋرگ:
- ەمدەلۋشىنىڭ ساكسوفوندا ويناعانى وپەراتسيانىڭ ءساتتى وتۋىنە زور كومەگىن تيگىزدى. وسىلايشا، ءبىز وپەراتسيا بارىسىندا ونىڭ ەستۋ قابىلەتىن باقىلاي الدىق. سونداي-اق قوزعالىسقا جاۋاپتى باس مي قابىعىنا زاقىم كەلمەۋىن دە قاداعالاپ وتىردىق.
كارلوس اگيلەرا، ەمدەلۋشى:
- وسىدان ەكى اي بۇرىن اۋرۋدىڭ سالدارىنان مەن توسەك تارتىپ قالعان ەدىم. ءبىراق قازىر جاڭا بەلەستەردى باعىندىرۋعا دايىنمىن. ءوزىمدى ومىرگە قايتا كەلگەندەي سەزىنەمىن. مەنىڭ سويلەپ تۇرۋىمنىڭ ءوزى جاعدايىمنىڭ جاقسارىپ بارا جاتقانىن دالەلدەيدى. سوندىقتان بارلىقتارىڭىزعا راقمەت!
www.24.kz
