سەمەي قۇتقارۋشىلارى ءبىر اپتا بۇرىن جوعالعان باقتاشىنى تاپتى

وسكەمەن. قازاقپارات - سەمەيدە 8 -جەلتوقسان كۇنى مالىن ىزدەپ كەتكەن 40 جاستاعى باقتاشى اۋا رايىنىڭ قولايسىزدىعىنان قاراولەڭ اۋىلدىق وكرۋگىنىڭ شىنىباي قاجى مولالارى جانىنداعى كۇركەدەن جاسىرىنىپ وتىرعان جەرىنەن ءدىن امان تابىلدى.

ول 7-13 -جەلتوقسان كۇندەرى ارالىعىندا ىزدەستىرىلدى.

اتالعان اۋداندى تەكسەرۋ كەزىندە قۇتقارۋشىلار باقتاشى جاسىرىنعان كۇركەنى انىقتاعان، ونىڭ جىلقىسى جاقىن ماڭدا جۇرگەن. باقتاشىنى تاۋىپ العان سوڭ، ورتكە قارسى كۇرەس قىزمەتكەرلەرى ونى قاراپ شىعىپ، باقتاشىنىڭ امان-ساۋ، پسيحيكالىق اۋىتقۋى جوق جانە ۇسىك شالماعانىن انىقتادى.

ت ج د- نەن حابارلاعانداي، 2015 -جىلدىڭ 8 -جەلتوقسانىندا ساعات 14:40 تا سەمەي قالاسى بويىنشا اكىمدىك كەزەكشىسىنە سەمەي قالالىق ءى ءى ب-نىڭ كەزەكشىسىنەن العاباس اۋىلدىق وكرۋگىندەگى «كيىكقاشقان» بولىمشەسىندە مالىن ىزدەپ شىققان 1975 -جىلعى باقتاشى جوعالىپ كەتكەنىن تۋرالى حابارلاما كەلىپ ءتۇستى. الايدا جوعالعان مال قايتىپ كەلگەنىمەن، باقتاشى تابىلمادى.