11:39, 18 - جەلتوقسان 2015 | GMT +5
ءانشى تولقىن زابيروۆا بەيجىڭدە ق ر تاۋەلسىزدىك كۇنىن مەرەكەلەۋدەن العان اسەرىمەن ءبولىستى - فوتو
بەيجىڭ. قازاقپارات - تانىمال ەسترادا جانە وپەرا ءانشىسى تولقىن زابيروۆا قازاقستاندىقتاردى تاۋەلسىزدىك كۇنىمەن قۇتتىقتاپ، ولارعا اشىق اسپان تىلەدى.
«تاۋەلسىزدىك كۇنىنە بايلانىستى ميللياردتان استام حالقى بار، 11 مىڭنان استام قازاقستاندىق ستۋدەنت ءبىلىم الىپ جۇرگەن قىتاي ەلىنىڭ استاناسى بەيجىڭ قالاسىندا ءجۇرىپ، ەرەكشە تولقىپ وتىرمىن. ءبىز وسى مەرەكەنىڭ ماڭىزدىلىعىن ءتۇسىنىپ، قىتايلىق تاراپتىڭ وعان قانشالىقتى ءمان بەرىپ وتىرعانىن كورىپ وتىرمىز»، - دەدى ول قازاقپارات تىلشىسىنە ق ر- دىڭ ق ح ر- داعى ەلشىلىگىندە ۇيىمداستىرىلعان ديپلوماتيالىق قابىلداۋ بارىسىندا.
ءانشى قازاقستاندىقتارعا بەيبىتشىلىك، دوستىق، بىرلىك تىلەدى.
«الەمدەگى حالىقتار بەيبىتشىلىكتى ءومىر ءسۇرسىن - بۇل مەنىڭ باستى تىلەگىم»، - دەپ اتاپ ءوتتى ءانشى.
