11:14, 18 - جەلتوقسان 2015 | GMT +5
قىتايدىڭ ق ر- داعى ءبىرىنشى ەلشىسى قازاقستاندىقتاردى تاۋەلسىزدىك كۇنىمەن قۇتتىقتادى
بەيجىڭ. قازاقپارات - قىتايدىڭ قازاقستانداعى ءبىرىنشى ەلشىسى، ق ح ر سىرتقى ىستەر ءمينيسترىنىڭ بۇرىنعى ورىنباسارى، شاڭحاي ىنتىماقتاستىق ۇيىمىنىڭ (ش ى ۇ) بۇرىنعى اتقارۋشى حاتشىسى، قىتاي حالىقارالىق زەرتتەۋلەر قورىنىڭ قۇرمەتتى ءتوراعاسى جاڭ دەگۋان قازاقستاندىقتاردى تاۋەلسىزدىك كۇنىمەن قۇتتىقتادى.
«قازاقستانداعى ءبىرىنشى قىتايلىق ەلشى رەتىندە قازاقستاندىقتاردى تاۋەلسىزدىك كۇنىمەن شىن جۇرەكتەن قۇتتىقتايمىن. مەن قازاقستان حالقىنىڭ نۇرسۇلتان نازاربايەۆتىڭ باسشىلىعىمەن وتكەن 24 جىلدىڭ ىشىندە بارلىق سالالاردا ۇلكەن تابىستارعا قول جەتكىزگەنىنە قۋانىشتىمىن. حالىق بەيبىتشىلىك پەن كەلىسىمدە ءومىر ءسۇرىپ جاتىر، مەملەكەت حالىقارالىق ارەنادا ۇلكەن بەدەلگە يە بولدى»، - دەدى ول ق ر- دىڭ ق ح ر- داعى ەلشىلىگىنىڭ اتىنان تاۋەلسىزدىك كۇنىنە ارنالعان ديپلوماتيالىق قابىلداۋ كەزىندە قازاقپارات تىلشىسىنە بەرگەن سۇحباتىندا.
قىتايلىق ديپلومات قازاقستاندىقتارعا دەنساۋلىق، باقىت، بەيبىتشىلىك تىلەدى.
