جىگىتتەر قانداي قىزداردى باعالامايدى؟
سول سەكىلدى ءوز قۇلشىنىسى ارقىلى جەتكەن ماحاببات تا قادىرلى دە قاستەرلى بولماق، سۇيگەن جارىنا ادال بولۋى كوپ كۇشپەن، قيىنشىلىقپەن جەتۋىنە بايلانىستى.
قىزدار ءبىرىنشى بولىپ سەزىمىن ءبىلدىرىپ، ىڭكارلىك تانىتسا، ەرلەر ءۇشىن ءبارى اسپاننان تۇسكەندەي وڭاي ورىندالىپ، ولار ايەلگە ءتان پاڭدىق، نازدىق قاسيەتىن اڭعارا الماي قالادى. بۇل شىندىقتى ەركەكتەردىڭ 99 پايىزى باس شۇلعي مويىندايدى.
كەز كەلگەن ىستە ەرلەر وسىنداي بولادى. توككەن تەرى، ەتكەن ەڭبەگى، ءوز قۇلشىنىسى ارقىلى شىققان بيىگى، جەتكەن جەتىستىگى، تاپقان تابىسى عانا ءوزىن باقىتتى سەزىنۋگە سەبەپكەر بولا الادى. ولار ۋىسىنا وڭاي تۇسكەن ولجانى، ىرقىنا تەز ەرىك بەرگەن قىزدى اسا قادىرلەمەيدى.
ەر ادامدار بىردەن كونگەن قىزعا كوپ كوڭىل بولمەيتىن بولادى. اراعا ۇزاق ۋاقىت سالىپ حابارلاسپاي كەتۋ، قىزدى كوپ جىلاتىپ، كوپ قينالتۋى وسىدان تۋۋى ابدەن مۇمكىن. ۇياڭدىقتى «پىسىقتىققا» الماستىرعان، نازىكتىكتى باتىلدىقپەن شاتاستىرعان قىزدار مۇنى ەسكەرە بەرمەيدى.
ەگەر ەرلى-زايىپتىلار سەزىمى سۋىپ، اراقاتىناسى سالقىندايتىن بولسا، ەر ادامدارعا تۇك اسەر ەتپەيدى دە، ايەل ادامداردىڭ دەنساۋلىعى ناشارلايدى ەكەن.
قىز ءبىرىنشى بولىپ كوڭىلىن بىلدىرسە، دەگەنىنە كونە بەرسە، جىگىت ۇيلەنگەن سوڭ ونى باقىتتى ەتۋگە ەش ارەكەتتەنبەيدى. قالاۋىن قاناعاتتاندىردىم، ارمانىن ورىندادىم، ودان باسقا نە تىلەيدى دەگەن ويدا بولادى. ءوزىنىڭ نەكەلىك ومىرىنە ريزا بولمايدى.
«جانىم دەگەن جىگىتتى جەك كورمەڭدەر» دەيدى. ءبىراق جەك كورمەۋدىڭ ءجونى وسى ەكەن دەپ، ءاپ دەگەننەن «سىلق ەتە قالماي»، جەڭىل سەزىمنىڭ جەتەگىندە كەتپەي، جىگىت باعاڭىزدى تولىق ءتۇسىنىپ، قادىرىڭىزگە جەتكەنشە، ءوزىڭىزدى تەجەي تۇرعان ءجون.
massaget.kz
