قىتاي ديپلوماتى لي حۋەيلاي: ۇلى دالا ەلى ءوزىنىڭ جارقىن جولىنا ءتۇستى - فوتو
بۇل تۋرالى ق ر تاۋەلسىزدىگىنىڭ 24 جىلدىعىنا ارنالعان ديپلوماتيالىق قابىلداۋدا ق ح ر سىرتقى ىستەر ءمينيسترىنىڭ كومەكشىسى (ق ح ر س ءى م ورىنباسارى دەڭگەيىندەگى قىزمەت) لي حۋەيلاي (Li Huilai) ءمالىم ەتتى.
«قازاقستان رەسپۋبليكاسى ەگەمەندىكتىڭ 24 جىلىندا ساياسي تۇراقتىلىقتى ساقتاپ، ەكونوميكالىق دامۋ كەلەدى. سونداي-اق، ەلدىڭ حالىقارالىق ارەنادا ىقپالىن ارتتىرىپ، ەلدىڭ ءال-اقۋاتىن جاقسارتىپ وتىرعانىن ايتا كەتۋ كەرەك. ۇلى دالا ەلى دامۋ مۇمكىندىگىن كورسەتكەن ءوز ۇلتتىق جاعدايىنا جاۋاپ بەرە الاتىن جارقىن جولعا ءتۇستى. قازاقستان پرەزيدەنتى نۇرسۇلتان نازاربايەۆتىڭ كورەگەن ساياساتىنىڭ ارقاسىندا قازاقستان حالقى جاڭا جەتىستىكتەرگە قول جەتكىزىپ، وركەندەي تۇسەتىنىنە سەنىمدىمىن»، - دەدى لي حۋەيلاي قۇتتىقتاۋ سوزىندە.
ەسكە سالا كەتەيىك، ق ح ر- داعى قازاقستان ەلشىلىگىنىڭ اتىنان ۇيىمداستىرىلعان قابىلداۋعا 500 گە جۋىق ادام قاتىستى. وعان ديپلوماتيالىق كورپۋس، حالىقارالىق ۇيىمدار مەن بيزنەس جانە ب ا ق وكىلدەرى («شينحۋا»، «نانفان چجوۋمو»، «چجۋنگوۆان») قاتىستى. شارانى ق ح ر- داعى قازاقستاننىڭ توتەنشە جانە وكىلەتتى ەلشىسى شاحرات نۇرىشيەۆ اشتى.
