15:44, 17 - جەلتوقسان 2015 | GMT +5
ن. نازاربايەۆ استانا كەلبەتىنەن ءارۋاقىتتا دا ەرەكشە سەزىمگە بولەنەدى
استانا. قازاقپارات - وتاندىق تەلەارنالارعا سۇحبات بەرگەن ق ر پرەزيدەنتى نۇرسۇلتان نازاربايەۆ استانا كەلبەتىنەن ءار ۋاقىتتا دا ەرەكشە سەزىمگە بولەنەتىندىگىن ايتتى.
«استاناعا كوز سالعان ءار ساتىمدە دە ەرەكشە سەزىمگە بوي الدىرامىن، ءتىپتى ءوز كوزىمە ءوزىم سەنبەيمىن دەسەم دە بولادى. مىنە، وسى قازىر ءبىز وتىرعان جەردە 2004 - جىلى قامىس قاۋلاي ءوسىپ تۇرعان ەدى. ەسىلدىڭ بۇرىلار تۇسى، اقوردا تۇرعان جەر باتپاق، ادام بويىنان اساتىن قامىس وسكەن جانە يەن دالا، ەشتەڭە جوق ەدى. شاعىن عانا ۇشاقتار قوناتىن كىشكەنتاي عانا اۋەجايى بار بولاتىن. ال قازىر قاراڭىزدارشى، تۇندە كەلە جاتساڭ بارلىعى دا سامالاداي جارقىراپ تۇر. ۇشاقپەن توڭىرەكتى شولىپ شىقسام، قالانىڭ توڭىرەگى جايقالعان ورمانعا اينالعان»، - دەدى ەلباسى.
«ءبىز وسى جىلداردىڭ ىشىندە مۇلدەم جاڭا قازاقستاندى قۇردىق، جاڭا بۋىن جاسادىق»، - دەدى ق ر پرەزيدەنتى.
اۆتور: مارلان جيەمباي
