رەسەي پرەزيدەنتى قازاقستاندى تاۋەلسىزدىك كۇنىمەن قۇتتىقتادى
قۇتتىقتاۋ جەدەلحاتىندا رەسەي كوشباسشىسى قازاقستاننىڭ كۇشتى ءارتاراپتاندىرىلعان ەكونوميكاسى بار دەموكراتيالىق كوپۇلتتى مەملەكەت رەتىندە تابىستى دامۋىن، رەسپۋبليكانىڭ حالىقارالىق ارەناداعى بەدەلىن، سونداي- اق ەلدىڭ حالىقارالىق كۇن ءتارتىبىنىڭ ماڭىزدى ماسەلەلەرىن شەشۋدەگى ۇلەسىن جوعارى باعالادى. بۇل تۋرالى ر ف پرەزيدەنتىنىڭ باسپا ءسوز قىزمەتى حابارلادى.
پۋتين رەسەيلىك- قازاقستاندىق بايلانىستاردىڭ جوعارى دەڭگەيىن جانە ەۋرازيالىق ەكونوميكالىق وداق جۇمىسىنىڭ قارقىن الۋىنا بايلانىستى ءتۇرلى سالالاردا ءوزارا ءتيىمدى ىنتىماقتاستىق ءۇشىن جاڭا پەرسپەكتيۆالاردى اتاپ ءوتتى.
ول سونداي- اق رەسەي مەن قازاقستاننىڭ ەۋرازيالىق كەڭىستىكتە تۇراقتىلىق پەن قاۋىپسىزدىكتى قامتاماسىز ەتۋ ارناسىندا ەكى ەل يگىلىگى ءۇشىن ستراتەگيالىق سەرىكتەستىك پەن وداقتاستىق قاتىناستاردىڭ ودان ءارى نىعايتىلاتىنىنا سەنىمىن ءبىلدىردى.
