پۋتين اسادقا قاتىستى ماسكەۋدىڭ ۇستانىمى وزگەرمەيتىنىن مالىمدەدى

استانا. قازاقپارات - رەسەيدىڭ سيرياداعى احۋالدى رەتتەۋ جونىندەگى جوسپارى ءتۇيىندى قىرلارى جاعىنان امەريكالىق جوسپارمەن ۇيلەسەدى دەپ مالىمدەدى، جىل سايىنعى ءداستۇر بويىنشا جۋرناليستەر سۇراقتارىنا تىكەلەي ەفير كەزىندە جاۋاپ بەرگەن باسپا ءسوز ءماسليحاتى بارىسىندا رەسەي پرەزيدەنتى ۆلاديمير پۋتين.
None
None

ونىڭ سوزىنشە، رەسەيلىك جوسپار سيريا كونستيتۋتسياسىن بىرگە ازىرلەۋ، بولاشاقتا وتكىزىلەتىن كەزەكتەن تىس سايلاۋدى باقىلاۋ تەتىكتەرىن قالىپتاستىرۋ، سايلاۋدى وتكىزۋ جانە ونىڭ ناتيجەسىن مويىنداۋ سياقتى جايتتاردى قامتيدى.

رەسەي پرەزيدەنتى سيريانىڭ قازىرگى پرەزيدەنتى باشار اسادقا قاتىستى ماسكەۋدىڭ ۇستانىمى وزگەرمەيتىنىن، «ءوزىن كىم جانە قانداي ستاندارتتار بويىنشا باسقاراتىنىن تەك سيريا حالقىنىڭ ءوزى انىقتايتىنىن» مالىمدەگەن.

ا ق ش جانە ونىڭ وداقتاستارى اساد وتستاۆكاعا كەتپەيىنشە، سيريادا بىرنەشە جىلدار بويى جالعاسىپ كەلە جاتقان قارۋلى جانجالدى ساياسي جولمەن رەتتەۋ مۇمكىن ەمەس دەپ سانايدى.

تۇركيامەن قارىم- قاتىناس تۋرالى سۇراقتارعا بەرگەن جاۋابىندا ۆلاديمير پۋتين سيريامەن شەكارادا رەسەيلىك سۋ-24 بومبالاۋشى ۇشاعىن تۇرىك اسكەري اۋە كۇشتەرىنىڭ اتىپ ءتۇسىرۋىن «قاستىق ءىس» دەپ اتادى. پۋتيننىڭ سوزىنشە، ماسكەۋدى ەرەكشە قىنجىلتقانى - رەسەي تۇركيامەن ارىپتەستىكتەن ەشقاشان باس تارتپاي كەلگەن. پۋتين قازىرگى ۋاقىتتا رەسەي سيرياداعى اۋە قورعانىسى قۇرالدارىن رەتكە كەلتىرىپ قويعانىن ايتتى. «تۇركيا بۇعان دەيىن ۇنەمى سيريانىڭ اۋە كەڭىستىگىن بۇزىپ كەلگەن بولسا، ەندى سولاي ۇشىپ بايقاسىن» دەگەن ول.

انكارا 24 - قاراشا رەسەليىك اسكەري ۇشاقتى «تۇركيانىڭ اۋە كەڭىستىگىن بۇزعانى ءۇشىن» اتىپ تۇسىرگەنىن مالىمدەگەن. ماسكەۋ ءوز ۇشاعى تۇرىك شەكاراسىن بۇزباعانىن ايتىپ، تۇركياعا قارسى ەكونوميكالىق سانكسيالار ەنگىزگەن.

http://www.nur.kz/kk

سوڭعى جاڭالىقتار