ەل جۇرەگىنە جەتكەن «كوك تۋدىڭ جەلبىرەگەنى» ءانىنىڭ ءسوزى قالاي جازىلدى؟ - كەسكىن
«ەلگە ورالىپ كەلە جاتقانىمدا «قورعاس» بەكەتىندە جەلبىرەپ تۇرعان كوك تۋىمىزدى العاش رەت كوردىم. شاعىن عانا شاتىرلى ءۇي بولاتىن. سونىڭ توبەسىندە تۇرعان تۋىمىز جەلمەن لاپىلداپ، ءوز تىلىندە دىبىس شىعارىپ تۇرعان سياقتى كورىندى» ، - دەپ ەسكە الادى اقىن.
ەرەكشە كورىنىستەن اقىننىڭ كوڭىلى الابۇرتىپ، شابىتى ويانادى.
«كوك تۋدىڭ جەلبىرەگەنى،
باقىتتىڭ ەلجىرەگەنى.
قيىردا قالعان قازاقتىڭ،
كوزىنىڭ مولدىرگەنى.. .» ، - دەگەن جولدار سول جەردە تۋادى.
الماتىعا كەلگەن سوڭ، وزگە شۋماقتارى جازىلادى. ال 2000 -جىلى كومپوزيتور ەرمۇرات زەيىپحان وسى ولەڭگە ارناپ، ءان شىعارادى، دەپ حابارلانعان «قازاقستان» تەلەارناسىنىڭ سايتىندا.
بۇل ءان باستاپقىدا بىرنەشە داۋىستا وپەرالىق باعىتتا جازىلىپ، راديودان بەرىلىپ جۇرەدى. سول كەزدە ءان جاس ءانشى يبراگيم ەسكەندىردىڭ قۇلاعىنا شالىنىپ، ول ءاندى دومبىراعا سالىپ، ايتا باستايدى.
2011 -جىلى قازاقستان رەسپۋبليكاسى تاۋەلسىزدىگىنىڭ 20 جىلدىق مەرەيتويىنا وراي ءانشى «قازاقستان» ۇلتتىق ارناسىنىڭ قولداۋىمەن «كوك تۋدىڭ جەلبىرەگەنى» انىنە بەينەبايان تۇسىرەدى.
