نيدەرلاندىلىقتار بوسقىندارعا ارنالعان ورتالىقتىڭ سالىنۋىنا قارسى شىقتى

استانا. قازاقپارات - نيدەرلاندى پوليتسياسى گەلدەرمالسەن قالاسىندا 1,5 مىڭ بوسقىنعا ارنالعان ورتالىقتىڭ سالىنۋىنا قارسىلىق بىلدىرگەندەردى كۇشپەن تاراتتى، دەپ حابارلادى بي- بي- سي.

ورتالىقتى سالۋ جونىندەگى كەلىسسوزدەر قالالىق كەڭەس عيماراتىندا ءوتىپ جاتقان، الايدا بۇل شەشىمگە نارازى توپ ۇيىمداستىرعان اكتسياعا قاتىسۋشىلار عيماراتقا باسىپ كىرمەك بولعاندىقتان، جيىندى جالعاستىرۋ مۇمكىن بولمادى.

شاراعا قاتىسقان بىرنەشە بەلسەندى قولعا تۇسكەن، جاپا شەككەندەر مەن جاراقات العاندار تۋرالى حابار جوق.

نارازىلىق اكسياسىنا 2 مىڭ ادام قاتىسقان. ال قالادا نەبارى 27 مىڭ تۇرعىن بار.

ايتا كەتەيىك، بيىل نيدەرلاندىعا سيريا، يراك جانە افريكا مەن تاياۋ شىعىس ەلدەرىنەن بىرنەشە ونداعان مىڭ بوسقىن كەلگەن.