پۋتين قازاقستان مەن رەسەي اراسىنداعى قاتىناستىڭ نىعايۋىنا سەنىم ءبىلدىردى
رەسەي باسشىسى قازاقستاننىڭ دەموكراتيالىق ەل رەتىندە دامۋىن، رەسپۋبليكانىڭ حالىقارالىق ارەناداعى بەدەلىن، سونىمەن قاتار، ەلدىڭ حالىقارالىق كۇن تارتىبىندەگى وزەكتى ماسەلەلەردى شەشۋدەگى ءرولىن باعالادى. رف پرەزيدەنتى ەكى ەل اراسىنداعى قارىم- قاتىناس پەن ەۋرازيالىق ەكونوميكالىق وداقتاعى ءتۇرلى سالاداعى ىنتىماقتاستىقتى اتاپ ءوتتى. «ۆلاديمير پۋتين قاۋىپسىزدىك پەن تۇراقتىلىقتى قامتاماسىز ەتۋدەگى قازاقستان مەن رەسەي اراسىنداعى ستراتەگيالىق جانە وداقتىق قارىم- قاتىناستىڭ نىعايۋىنا سەنىم ءبىلدىردى»، - دەلىنگەن باسپا ءسوز قىزمەتىنىڭ حابارلاماسىندا.
سونىمەن قاتار، قۇتتىقتاۋ جەدەلحاتىن بەلارۋس پرەزيدەنتى الەكساندر لۋكاشەنكو دا جولدادى. «قازاقستان مەملەكەتتىكتى نىعايتۋدا، قوعامدىق كەلىسىمدەردى قاماتاماسىز ەتۋدە، ناتيجەلى ەكونوميكانى ورناتۋدا جەتكەن جەتىستىكتەرى ءۇشىن ماقتانۋعا قۇقىلى»، - دەپ جازدى ول. لۋكاشەنكو ەكى ەل اراسىنداعى ستراتەگيالىق قاتىناستىڭ نىعايۋىنا سەنىم ءبىلدىردى.
