جەلتوقسان وقيعاسىندا تۇسىرىلگەن سيرەك سۋرەتتەر- فوتو
كەڭەس ۇكىمەتى تۇسىندا كوتەرلىستى «بۇزاقىلاردىڭ ارەكەتى» دەپ باعالاسا، كەيىن كەلە «قازاق ۇلتشىلدارىنىڭ باس كوتەرۋى» رەتىندە قارالدى. وسىلايشا كوپتەگەن تاريحي مالىمەتتەر بۇگىنگە جەتپەي وتقا ورانىپ، جويىلىپ كەتتى. تەك 1991 -جىلى ك س ر و تاراعان سوڭ كوتەرلىسكە قاتىسقانداردىڭ باسىم كوپشىلىگى اقتالىپ، جەلتوقسان وقيعاسى «تاۋەلسىزدىك جولىنداعى كوتەرىلىس» رەتىندە باعا الدى.
جەلتوقسان تولقۋى س و ك پ و ك- ءنىڭ باس حاتشىسى س. گورباچيەۆتىڭ ۇلت باسشىسى - قازاقستان كومپارتياسىنىڭ ءبىرىنشى حاتشىسى ءدىنمۇحامەد قونايەۆتىڭ ورنىنا ۋليانوۆسك وبكوم پارتياسىنىڭ ءبىرىنشى حاتشىسى گەنادي كولبيندى قويۋ تۋرالى شەشىمىنەن سوڭ باستالعان. قازاق جاستارى ۇلت باسشىسىن قازاق ۇلتىنان قويۋدى تالاپ ەتىپ، 1986 -جىلى 16 - جەلتوقسان كۇنى الماتىداعى جاڭا (برەجنيەۆ) الاڭىنا بەيبىت شەرۋگە شىقتى. 17 - جەلتوقسان كۇنى باس كوتەرۋشىلەردىڭ سانى 20 مىڭعا جەتىپ، كەيىنەن كوتەرىلىسشىلەر مەن ءتارتىپ ساقشىلارى اراسىنداعى قاندى قاقتىعىسقا اينالعان.
رەسمي دەرەكتەر بويىنشا، قاقتىعىس كەزىندە ەكى ادام كوز جۇمدى دەلىنگەن. ال، بەيرەسمي اقپاراتتا قازا بولعانداردىڭ سانى 168 ادام. وسى كوتەرىلىستى باستادى، بيلىك وكىلىنە قارسى شىقتى دەگەن ايىپپەن ەلىمىزدىڭ ءار ايماقتارىندا 107 ازامات سوتتالعان.
فوتولار كينوقۇجاتتار جانە دىبىس جازبالارىنىڭ ورتالىق مەملەكەتتىك مۇراعاتىنان الىندى.
ماتەريالدى دايىنداۋ بارىسىندا كورسەتكەن كومەگى ءۇشىن مەملەكەتتىك مۇراعات قىزمەتكەرلەرىنە العىس بىلدىرەمىز.
