ۇلى بريتانيا ەلشىسى قازاقستاندىقتاردى قازاق تىلىندە تاۋەلسىزدىك كۇنىمەن قۇتتىقتادى - كەسكىن
ەلشىنىڭ بەينە قۇتتىقتاۋىن ەلشىلىكتىڭ باسپا ءسوز قىزمەتى الەۋمەتتىك جەلىلەردە جاريالاپ وتىر.
«قۇرمەتتى قازاقستاندىقتار! سىزدەردى قازاقستاننىڭ تاۋەلسىزدىك كۇنىمەن قۇتتىقتاۋ مۇمكىندىگىن پايدالانۋعا قۋانىشتىمىن! قازاقستان تاۋەلسىزدىك العان كۇننەن باستاپ، 24 جىل ىشىندە ايتارلىقتاي تابىستارعا جەتتى. سونداي-اق بۇل ءبىزدىڭ ەكىجاقتى قاتىناستارعا دا بايلانىستى. ولار وسى ۋاقىت ارالىعىندا تەز دامىدى جانە ارى قاراي داميتىنىنا سەنەمىن. مەن قازاقستاننىڭ دامۋىنا تابىس، اتاپ ايتقاندا ونىڭ الەمنىڭ دامىعان 30 ەلدەرىنىڭ قاتارىنا كىرۋگە قول جەتكىزۋىن تىلەيمىن! ۇلى بريتانيا قازاقستاننىڭ وسى ماقساتقا قول جەتكىزۋىنە قولداۋ كورسەتەدى»، - دەپ اتاپ ءوتتى ەلشى قازاقستانداعى ۇلى بريتانيا ەلشىلىگىنىڭ «Facebook» جەلىسىندەگى پاراقشاسىندا جاريالانعان بەينەقۇتتىقتاۋدا.
بۇنىڭ الدىندا، ءدال وسىنداي مانەردە امەريكا قۇراما شتاتتارىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى دجورد كرول قازاقستاندىقتاردى قازاق تىلىندە تاۋەلسىزدىك مەيرامىمەن قۇتتىقتاعان بولاتىن.
ەسكە سالا كەتەيىك، بۇگىن قازاقستان حالقى تاۋەلسىزدىك كۇنى مەرەكەسىن اتاپ وتۋدە. ەلىمىزدىڭ بارلىق ايماقتارىندا قازاقستاننىڭ تاۋەلسىزدىك كۇنى تويلانىپ جاتىر.
ق ر ازاماتتارى اتالعان مەرەكەدە ەكى كۇن - 16 جانە 17 -جەلتوقسان كۇندەرى دەمالادى.
