فۋتبول قۇراماسى باس باپكەرىن حابارلاندىرۋ ارقىلى ىزدەۋدە

استانا. قازاقپارات - كامەرۋن ەلىنىڭ فۋتبول فەدەراتسياسى ۇلتتىق قۇرامانى جاتتىقتىراتىن باپكەردى حابارلاندىرۋ ارقىلى ىزدەستىرۋدە.

بوس جۇمىس ورنى تۋرالى اقپارات فەدەراتسيانىڭ رەسمي سايتىندا جاريالاندى. ۇمىتكەرلەردەن ءوتىنىش قابىلداۋ باستالىپ كەتكەن.

حابارلاندىرۋعا سايكەس، باپكەردىڭ كامەرۋن ازاماتى بولۋى مىندەتتى ەمەس. ءبىراق، ول فيزيكالىق تۇرعىدان جاقسى شىنىققان، اعىلشىن نەمەسە فرانسۋز ءتىلىن ەركىن مەڭگەرگەن جانە افريكالىق فۋتبولدىڭ قىر-سىرىمەن تانىس ادام بولۋى ءتيىس.

سونداي-اق بولاشاق باپكەر كامەرۋن فۋتبولىنىڭ 2016-2018 -جىلدارعا ارنالعان جوسپارىن دا ۇسىنۋى كەرەك.

ەستەرىڭىزگە سالا كەتسەك، قازان ايىندا كامەرۋننىڭ فۋتبولدان ۇلتتىق قۇراماسىنىڭ باپكەرى نەمىس فولكەر فينكە جۇمىستان شىعارىلدى.

ول كامەرۋندىقتاردى 2013 -جىلدان بەرى جاتتىقتىرىپ، برازيلياداعى الەم چەمپيوناتىنىڭ فينالدىق كەزەڭىنە شىعارعان بولاتىن. ءبىراق، مۋنديالدا افريكالىقتار ناشار ونەر كورسەتىپ، 3 رەت جەڭىلىس تاپتى.

دەرەككوز: 24.kz