الماتى اكىمى تاۋەلسىزدىك مونۋمەنتىنە گۇل شوعىن قويدى - فوتو

الماتى. قازاقپارات - بۇگىن الماتىدا قازاقستاننىڭ تاۋەلسىزدىك كۇنىنە وراي تاۋەلسىزدىك مونۋمەنتى الدىندا سالتاناتتى جيىن بولىپ ءوتتى.

جىل سايىنعى ءداستۇر بويىنشا الدىمەن مونۋمەنت جانىنا سالتاناتتى قاراۋىل قويىلدى.

گۇل قويۋ ءراسىمىن باستاماس بۇرىن ازاتتىق جولىندا قۇربان بولعان ازاماتتاردى ەسكە الۋ ءۇشىن ءبىر مينۋت ۇنسىزدىك جاريالاندى.

سودان كەيىن الماتى قالاسىنىڭ اكىمى باۋىرجان بايبەك باستاپ ۇلى وتان سوعىسى مەن قازاقستان قارۋلى كۇشتەرىنىڭ ارداگەرلەرى، ساياسي پارتيالار مەن قوعامدىق ۇيىمداردىڭ وكىلدەرى، جەلتوقسان كوتەرىلىسىنە قاتىسۋشىلار جانە الماتى قالاسى جاستارىنىڭ ۇيىمدارى كەزەكپەن تاۋەلسىزدىك مونۋمەنتىنە گۇل شوقتارىن قويىپ، تاعزىم ەتتى.

جيىن سوڭىندا، قازاقستان قۇرلىق اسكەرلەرىنىڭ اسكەري ينستيتۋتى مەن راديوەلەكترونيكا جانە بايلانىس اسكەري- ينجەنەرلىك ينستيتۋتىنىڭ كۋرسانتتارى بۇگىنگى راسىمگە جينالعاندار الدىنان سالتاناتتى تۇردە ساپ تۇزەپ ءوتتى.