پەتروپاۆلدا ءبىرىنشى كوشە كىتاپحاناسى اشىلدى

استانا. قازاقپارات - ەندى قالا تۇرعىندارى قوعامدىق كولىكتەر كەلگەنشە كىتاپ وقي الادى.

ال ۇناعانىن وزىمەن بىرگە الىپ كەتۋگە، كەيىن قايتارىپ نەمەسە ورنىنا باسقاسىن اكەلىپ بەرۋگە بولادى.

بۇل وقىرمانداردىڭ قىزىعۋشىلىعىن ارتتىرىپ، كىتاپ قورىن جاڭارتىپ تۇرۋعا مۇمكىندىك بەرەدى. «اقىلدى ايالدامادا» ەرەسەكتەرگە، جاستارعا، بالالارعا ارنالعان قازاق، ورىس، اعىلشىن تىلدەرىندەگى مىڭعا جۋىق ادەبيەت بار. «بۇل يگى ءىستىڭ باسى عانا»، - دەيدى كىتاپحانا قىزمەتكەرلەرى.

قايىرجان مالىكوۆا، ءسابيت مۇقانوۆ اتىنداعى وبلىستىق امبەباپ عىلىمي كىتاپحاناسىنىڭ قىزمەتكەرى:

- بۇل باستاما تۇرعىندار اراسىندا كەڭ قولداۋ تابادى دەپ ويلايمىز. وقىرمانعا ەشقانداي تالاپ قويىلمايدى. ەشقانداي قۇجات تالاپ ەتىلمەيدى. وقىرمان بيلەتى قاجەت ەمەس. ادامنىڭ جاۋاپكەرشىلىگىنە بايلانىستى.

www.24.kz