ءانشى ايقىن سوسو پاۆلياشۆيليمەن بىرگىپ بەينەبايان تۇسىرۋدە - كەسكىن

استانا. قازاقپارات - رەسەيلىك ءانشى سوسو پاۆلياشۆيليمەن دۋەت ورىنداعان ايقىن وعان بەينەبايان تۇسىرۋدە.

ءاننىڭ ءسوزىن قازاقشاعا اۋدارعان - ارمان دۇيسەنوۆ، ونىڭ وڭدەۋىن رينات عايسين جاساعان.

«ءان نازىك جاندىلار جايىندا بولماق. بۇل ءانىمىزدى بارشا ايەلدەرگە ارنايمىز»، - دەدى سوسو پاۆلياشۆيلي.

ايگىلى ونەر جۇلدىزى سوسومەن ءان ورىنداۋ ايقىن ءۇشىن ۇلكەن قۇرمەت. سونداي-اق ول ونىمەن كەزدەسەردە قوبالجىعانىن دا جاسىرىپ قالمادى.

«قالاي تانىسامىن، نە دەپ ايتامىن، قالاي بولادى دەگەن قوبالجۋ بولدى. ءبىراق سوسونىڭ قاسىنا كەلگەننەن كەيىن ونىڭ وزىنە باۋرايتىن قاسيەتى بار وتە قاراپايىم، ادامي تاربيەسى وتە جوعارى ادام ەكەنىن ءبىلدىم. ءبىر ايتقانى بار سوسونىڭ: «سەن ساحناعا شىققاندا ءارتىس بول، ساحنادان تومەن قاراي تۇسكەندە ادام بول دەگەن»، - دەيدى ايقىن.

ءتۇسىرىلىپ جاتقان بەينەبايان كەلەسى جىلعى كوكتەمگە جاقىن جارىققا شىعادى، دەپ حابارلايدى gakku.kz.

ءسوز سوڭىندا، الىستان ات ارىتىپ كەلگەن ايگىلى ءانشى ەلىمىزدىڭ تاۋەلسىزدىك مەرەكەسىمەن قۇتتىقتاۋدى دا ۇمىتپادى.