08:46, 16 - جەلتوقسان 2015 | GMT +5
قىتايدا مەيرامحانا يەلەرى كليەنتتەرىن تازا اۋا ءۇشىن اقشا تولەۋگە مىندەتتەدى
استانا. قازاقپارات - قىتايلىق جياڭسۋ پروۆينسياسى جاڭجياگاڭ قالاسىندا مەيرامحانا كليەنتتەرىن عيماراتتاعى تازا اۋا جۇتقاندارى ءۇشىن اقشا تولەۋگە مىندەتتەدى، دەپ حابارلادى BBC News.
مەيرامحانا يەلەرى فيلتراتسيالاۋ جۇيەسىن ورناتىپ، شىعىندى وتەۋ ماقساتىمەن كليەنتتى ەسكەرتپەي شوتقا ءبىر يۋان (15-16 ا ق ش سەنتى) قوسىپ وتىرعان.
كەلۋشىلەردىڭ ءبىر بولىگى جاڭادان قوسىلعان بولىممەن كەلىسپەي، نارازى بولدى. كەيىن ايماق بيلىگى بۇل تاجىريبەنى دوعارۋدى تالاپ ەتتى. بيلىك بۇل قىزمەت تاۋار رەتىندە ساتىلماۋى ءتيىس ەكەنىن ايتتى.
ايتا كەتەيىك، سوڭعى بىرنەشە اپتادا قىتاي قالالارىندا اۋا لاستانۋىنىڭ رەكوردتىق كورسەتكىشى تىركەلدى. كەي كوشەلەردە 100 مەتر قاشىقتىقتاعى جەردى عانا كورۋ مۇمكىن بولدى.
