وزبەكستانداعى قازاق مادەني ورتالىعى: تاۋەلسىزدىك كۇنى - ەلىمىزگە ەركىندىك سىيلاعان ۇلى كۇن
«قازاقپارات» اگەنتتىگىنە جولداعان ءوزىنىڭ قىسقاشا قۇتتىقتاۋ حاتىندا وزبەكستان قازاق ۇلتتىق مادەني ورتالىعىنىڭ ءتوراعاسى سەرىكباي ۇسەنوۆ وسىلاي دەيدى.
«بۇل كۇن - اتا- بابامىزدىڭ اڭساعان ارمانى جۇزەگە اسىپ، ەلىمىزگە ەركىندىك سىيلاعان ۇلى كۇن. وسىنداي ماڭىزى بار تاريحي دۋماندا قازاق ەلىنىڭ تۋى اسقاقتاپ، كەلەشەگى وركەندەي بەرسىن. قازاقستاندىقتار، سىزدەرگە مىقتى دەنساۋلىق، وتباسىلارىڭىزعا باقىت، زور جەتىستىكتەر تىلەيمىن»، - دەپ جازادى س. ۇسەنوۆ.
سونىمەن قاتار بۇگىن بەلارۋس رەسپۋبليكاسىنداعى قازاقتاردىڭ «اتامەكەن» حالىقارالىق قوعامدىق بىرلەستىگىنەن دە قۇتتىقتاۋلار كەلىپ ءتۇستى.
«قۇرمەتتى اعايىن، سىزدەردى قازاقستان رەسپۋبليكاسىنىڭ تاۋەلسىزدىك كۇنىمەن قۇتتىقتايمىز! تاۋەلسىزدىك - بۇل بوستاندىق، كۇش، مولشىلىق جانە رۋحاني بايلىق. سىزدەرگە شىن جۇرەكتەن زور دەنساۋلىق، باقىت، يگىلىك جانە الداعى جۇمىستارىڭىزدا تەك شىعارماشىلىق تابىس، سونداي- اق جاڭا جوبالار مەن جاڭا يدەيالاردىڭ جۇزەگە اسىرىلۋىن تىلەيمىز»، - دەلىنگەن قۇتتىقتاۋ حاتتا.
اۆتور: جاپپاربەرگەن ايبوتا
