07:29, 16 - جەلتوقسان 2015 | GMT +5
قازاقستاندىقتار ءا. امانقۇل، ب. ءابدىراحمانوۆ جانە ۆ. لەۆيت ازيانىڭ ۇزدىك بوكسشىلارى اتاندى - فوتو
استانا. قازاقپارات - ازيالىق بوكس كونفەدەراتسياسى جىلدىڭ ۇزدىك بوكسشىلارىن انىقتادى.
«ازيانىڭ ۇزدىك جاس بوكسشىسى» قازاقستاننىڭ جاستار قۇراماسىندا 75 كەلىگە دەيىنگى سالماق دارەجەسىندە ونەر كورسەتەتىن جامبىلدىق ءابىلحان امانقۇل اتاندى.
ونىڭ ارىپتەسى بەرىك ءابدىراحمانوۆ (60 ك گ) ارۆ جوباسىنا قاتىساتىن بوكشىلاردىڭ اراسىندا «كونتينەنتتەگى ۇزدىك بوكسشى» بولدى. ۆاسيليي لەۆيت (91 ك گ دەيىن) «ازيانىڭ ۇزدىك بوكسشىسى» اتالىمىندا ۇزدىك اتاندى. جەڭىمپازدارعا ءتيىستى ايبا ۆيتسە-پرەزيدەنتى مەن ازيالىق بوكس كونفەدەراتسياسى پرەزيدەنتى سەرىك قوناقبايەۆتىڭ قولى قويىلعان سەرتيفيكاتتار بەرىلەدى.
ەسكە سالا كەتەيىك، امانقۇل وسى جىلى قازاقستانداعى بىرنەشە تۋرنيردە جەڭىسكە جەتتى، ال ءابدىراحمانوۆ پەن لەۆيت ريو- دە- جانەيروداعى وليمپيادا ويىندارىنا جولداما الدى. ۆاسيلي قىركۇيەكتە تايلاندتاعى تۋرنيردە چەمپيون اتاندى.
