عالىمدار: ءزايتۇن جانە كۇنباعىس مايلارى سابيلەردىڭ تەرىسى ءۇشىن زيان
ۇلى بريتانياداعى مانچەستەر ۋنيۆەرسيتەتىنىڭ ساراپشىلارى وسىنداي توقتامعا كەلدى.
ءسابيدىڭ تەرىسىنە ءزايتۇن جانە كۇنباعىس مايلارى جاعىلعاندا بۇل ينفەكسيالار مەن اللەرگەندەردىڭ جۇعۋىنا قارسى تۇراتىن بوگەتتى باسەڭدەتەدى. عالىمدار تاجىريبە جۇرگىزىپ، ناتيجەسىن اcta Dermato-Venereologica جۋرنالىندا جاريالادى.
زەرتتەۋ كەزىندە Saint Mary's Hospital اۋرۋحاناسىنىڭ اكۋشەرلەرى(بالالار دارىگەرى) 115 پەرزەنتتى ءۇش توپقا ءبولدى. ءبىرىنشى توپتاعىلارعا ءزايتۇن مايى، ەكىنشىسىندەگىلەرگە كۇنباعىس مايى جاعىلسا، ۇشىنشىسىنە ءبىرى دە جاعىلمادى. 28 كۇن بويى ءبىرىنشى جانە ەكىنشى توپتاعى بالالار دەنەسىنىڭ ءبىر بولىگىنە ازداپ ماي جاعىلدى.
وسىلايشا زەرتتەۋشىلەر ءبىرىنشى جانە ەكىنشى توپتاعى سابيلەردە ينفەكسيالار مەن اللەرگەندەردىڭ جۇعۋىنا قارسى تۇرۋ قاسيەتى ءۇشىنشى توپتاعى نارەستەلەردىكىنە قاراعاندا باسەڭدەگەنىن انىقتادى، دەپ جازادى شەتەلدىك ب ا ق.
