قىتاي عالىمدارى ءومىردى قىسقارتاتىن ماماندىقتاردى انىقتادى

استانا. قازاقپارات - گۋاڭجوۋ ۋنيۆەرسيتەتىنىڭ عالىمدارى ءومىردى قىسقارتاتىن ماماندىقتاردى انىقتادى، دەپ جازادى شەتەلدىك ب ا ق.

 تاجىريبە 17 جىل قاتارىنان وتكىزىلدى. 140 مىڭعا جۋىق ادامنىڭ مالىمەتى ساراپتالدى. عالىمدار كوپ كۇيزەلتەتىن ماماندىقتار ينسۋلتتى تۋدىرۋى مۇمكىن ەكەنىن اڭعاردى.

زەرتتەۋ كورسەتكەندەي، جۇمىستاعى كۇيزەلىس سالدارىنان %22 ەر مەن %33 ايەل ينسۋلتتەن زارداپ شەگۋى مۇمكىن.

كۇيزەلىسكە ۇشىراتپايتىن ماماندىقتار - اۋلا تازالاۋشى مەن شاحتەر. الايدا شاحتەر وزگە اۋرۋلاردان جاپا شەگۋى ىقتيمال.

كەڭسە قىزمەتكەرلەرى، ونىڭ ىشىندەگى مۇعالىمدەر، ينجەنەرلەر مەن جۋرناليستەر كوپ جاعدايدا دەنساۋلىعىن قاۋىپكە تىگەدى. كۇيزەلىس، تۇراقسىز تاماقتانۋ، وتىرىپ جۇمىس ىستەۋ - بىرتىندەپ، الايدا زيانىن تيگىزەدى، دەپ ەسەپتەيدى زەرتتەۋشىلەر.