تاۋەلسىزدىك كۇنىنە وراي ق ر قورعانىس مينيسترلىگى بەينەبايان ءتۇسىردى - كەسكىن، فوتو

استانا. قازاقپارات - تاۋەلسىزدىك كۇنىنە وراي قازاقستان رەسپۋبليكاسىنىڭ قورعانىس مينيسترلىگى «ارميامىز ايبىندى!» اتتى پاتريوتتىق انگە ارنالعان مۋزىكالىق بەينەبايان ءتۇسىردى.

كليپ استانادا قازاقستان رەسپۋبليكاسى قارۋلى كۇشتەرى اۋە قورعانىسى كۇشتەرىنىڭ اۆياتسيالىق بازاسىندا ءتۇسىرىلدى. بۇل تۋرالى ق ر قورعانىس ميينسترلىگىنىڭ باسپا ءسوز قىزمەتىنەن حابارلادى.

پاتريوتتىق ءان مارجان اراپبايەۆا مەن «Z» تريوسى ق ر قورعانىس مينيسترلىگى ورتالىق اسكەري ءانسامبلى ۇجىمىنىڭ ورىنداۋىندا شىرقالدى. «ارميامىز ايبىندى!» تۋىندىسى - «مەن اسكەردە بولعاندا» - قازاقستاندىق ارمياداعى قىزمەت تۋرالى ۇزدىك مۋزىكالىق كومپوزيتسيا ءبىرىنشى رەسپۋبليكالىق شىعارماشىلىق بايقاۋىنىڭ جەڭىمپازى. ال بەينەباياننىڭ ءتۇسىرىلىمى فينالدى اككورد بولىپ تابىلادى.

«مەن اسكەردە بولعاندا» بايقاۋى وسى جىلى ق ر قورعانىس مينيسترلىگىمەن العاش رەت وتكىزىلگەنىن ايتا كەتكەن ءجون. ول قوعامنىڭ قىزىعۋشىلىعىن تۋعىزىپ، ءار جىلدارى اسكەري قىزمەت پەن ارميانىڭ تىنىس- تىرشىلىگى تۋرالى جاقسى بىلەتىن ادامداردىڭ جۇرەگىنەن ورىن تاپتى. بارلىعى بايقاۋ كوميسسياسىنا قازاقستاننىڭ ءار وڭىرىنەن 25 تەن اسا اۆتور ءوز جۇمىستارىن جولدادى. بايقاۋ جۇمىستارىن باعالاۋ كەزىندە قۇرامىنا كاسىبي مۋزىكانتتار مەن اسكەري سالا وكىلدەرى كىرگەن ءادىلقازىلار القاسى ورىنداۋ شەبەرلىگىن، ءماتىننىڭ ءتۇپنۇسقالىعىن، بەرىلگەن تاقىرىپقا مۋزىكالىق تۋىندىنىڭ سايكەس كەلۋىن، سونداي-اق ونەردى جالپى قابىلداۋدى ەسكەردى.