وپەرا ءانشىسى الاياقتىق ارەكەتى ءۇشىن جارتى جىلعا تۇرمەگە ءتۇسۋى مۇمكىن
بۇگىن بارسەلونادا وتكەن سوت وتىرىسىندا كابالە، سونىمەن قاتار، مەملەكەتكە 255 مىڭ ەۋرو كولەمىندە ايىپپۇل تولەۋگە مىندەتتەلدى. سونداي- اق اتى الەمگە ءماشھۇر ءانشى ەل بيۋدجەتىنەن بولىنەتىن جاردەماقى مەن سۋبسيديادان ءبىر جارىم جىلعا قاعىلاتىن بولدى.
جەزتاڭداي ءانشىنىڭ ءوزى دەنساۋلىعىن سىلتاۋراپ سوت وتىرىسىنا قاتىسقان جوق. ۇيىنەن ۆيدەوكونفەرەنسيالىق بايلانىسقا شىققان ول ارنايى مالىمدەمە جاساپ، بار كىناسىن مويىندايتىنىن ايتتى.
بارسەلونانىڭ پروكۋراتۋراسى كابالەنىڭ سالىقتان جالتارىپ جۇرگەنىنە 2014 -جىلدىڭ ساۋىرىنەن سەزىكتەنە باستاعان. ولاردىڭ ەسەپتەۋىنشە، وپەرا ورىنداۋشىسى شامامەن 500 مىڭ ەۋرو سالىقتان جالتارىپتى. تەرگەۋ بارىسىندا وپەرا ءارتىسى بارسەلونادا تۇرىپ جاتقانىنا قاراماستان، شەتەلدىك كونتسەرتتەرگە كەلىسىمشارتتى اندوررالىق كومپانيا ارقىلى بەكىتىپ وتىرعانى انىقتالدى. كەيىن، 2014 -جىلدىڭ جەلتوقسانىندا ءانشى وسى ارەكەتتەرىنىڭ كەسىرىنەن تۇرمەگە وتىرماس ءۇشىن پروكۋراتۋرامەن كەلىسىمگە كەلگەن.
مونسەررات كابالە - سوپرانو ءانشىسى، اسقان شەبەر ءارى ەركىن داۋىس ىرعاعىمەن بەلكانتو ۆوكالدىق تەحنيكاسى ارقىلى الەمگە تانىلعان كۇمىس كومەي ءانشى. ول دجاكومو پۋچچيني، ۆينچەنتسو بەلليني، دومەنيكو دونيتسەتتي، ۆولفگانگا امادەيا موتسارتا، ريحاردا ۆاگنەرا جانە باسقالاردىڭ كلاسسيكالىق وپەرالارىندا 80-نەن اسا رول سومداعان. سونداي- اق ءانشى Queen توبىنىڭ Barcelona اتتى ءان جيناعىن جازۋعا قاتىسقان.
Baq.kz
