ۇلتتىق داستۇرگە ساي كەلمەيتىن انشىلەر ەفيرگە جىبەرىلمەيتىن بولدى

استانا. قازاقپارات - وزبەكستان ۇكىمەتى حالىقتىڭ «جەلگى رۋحاني- مادەني قۇندىلىقتارى مەن ۇلتتىق سالت- داستۇرلەرىنە ساي كەلمەيتىن اندەر مەن كليپتەردى ەفيرگە جىبەرمەۋدى تالاپ ەتەتىن قاۋلى جاريالادى.

بۇل تۋرالى UzDaily.uz حابارلادى دەپ جازادى ras.kz.

قۇجاتتا وزبەكستان ۇلتتىق تەلەراديوكومپانياسى مەن ەلەكتروندى بۇقارالىق اقپارات قۇرالدارى ۇلتتىق اسسوتسياتسياسىنا «تەلە جانە راديوكومپانيالاردىڭ كوركەمدىك كەڭەستەرىنىڭ جۇمىستارىنا سىن كوزىمەن قاراۋ» تاپسىرىلىپ، «ەجەلگى رۋحاني- مادەني قۇندىلىقتارى مەن ۇلتتىق سالت- داستۇرلەرىنە ساي كەلمەيتىن، وسكەلەڭ ۇرپاقتىڭ رۋحاني- ادامگەرشىلىك تاربيەسىنە كەرى اسەر ەتەتىن اندەر مەن ۆيدەوكليپتەردىڭ ەفيرگە كەتىپ قالۋىنا جول بەرمەۋ جونىندە شارالار قابىلداۋ» جۇكتەلدى.

قاۋلىدا سونداي- اق ۇلتتىق تەلەراديوكومپانيا جۇمىسىنداعى «ەسترادالىق نومىرلەر ورىنداۋشىلار مىنەز- قۇلىقتارىنىڭ ەتيكالىق نورمالارعا سايكەس كەلمەيتىنى، سونداي- اق مۋزىكالىق تۋىندىلاردىڭ كوركەمدىك تۇرعىدان ناشار ورىندالاتىنى» سياقتى ءارتۇرلى كەمشىلىكتەرى اتاپ كورسەتىلدى.

وزبەكستان ۇكىمەتى ەندى رەسپۋبليكا ارتىستەرى دايىنداعان مۋزىكالىق كليپتەردىڭ، اندەر مەن ەسترادالىق نومىرلەردىڭ مازمۇندارىن رەتتەپ وتىرادى، سونداي-اق ەلدە جۇمىس جاسايتىن ارتىستەردىڭ مىنەز- قۇلىقتارىن باقىلاۋىنا الادى.

ب ا ق- تاردا 2013 -جىلى قازاندا ماقتا جيناۋ ناۋقانىنا قاتىسۋدان باس تارتقان ەسترادا ءانشىسى جاسۋر ۋميروۆتىڭ جازاعا تارتىلعانى حابارلانعان بولاتىن.

ارتىستەردىڭ مىنەز-قۇلقى تۋرالى ماسەلە «ۋزبەكناۆو» ەسترادا- كونسەرت بىرلەستىگىنىڭ وتىرىسىندا قارالدى. وندا «ليسەنزيا بەرۋ كەزىندە قول قويىلعان كەلىسىم شارتتارىن ورىنداماعان» انشىلەردەن ليسەنزيالارى الىنىپ قويىلاتىنى ايتىلدى.