قازاقستاندىقتار بولاشاعى ءبىرتۇتاس ۇلت بولىپ قالىپتاسىپ كەلەدى - مەملەكەت باسشىسى
بۇل تۋرالى بۇگىن استانادا تاۋەلسىزدىك كۇنىنە ارنالعان سالتاناتتى جيىندا ەلباسى نۇرسۇلتان نازاربايەۆ ءمالىم ەتتى.
«ءبىز قازاقستاننىڭ تاۋەلسىزدىگىمەن بىرگە ءوسىپ كەلەمىز. ءبىزدىڭ جولىمىز - بىرلىك پەن كەلىسىم. جىلدىڭ باسىندا بولعان پرەزيدەنتتىك سايلاۋ ەستەرىڭىزدە جانە بۇل سايلاۋ ءبىز بولاشاعى ءبىرتۇتاس ۇلت بولىپ قالىپتاسىپ كەلە جاتقانىمىزدى كورسەتتى»، - دەدى پرەزيدەنت.
مەملەكەت باسشىسى بىرلىك پەن كەلىسىمدى ساقتاۋ جانە نىعايتۋ وڭاي ەمەس ەكەنىن اتاپ ءوتتى.
«بۇل ءبىزدىڭ حالقىمىز ازاماتتارىنىڭ دانالىعىن، كورەگەندىگىن، ءوزارا سىيلاستىعىن، توزىمدىلىگىن قاجەت ەتەدى»، - دەدى ن. نازاربايەۆ.
پرەزيدەنت عىلىم جەردە ءومىر ءسۇرىپ جاتقان ءاربىر ەتنوس كەم دەگەندە ءبىر بىرەگەي قاسيەتكە يە ەكەنىن سەندىرىپ وتىرعانىن ايتا كەلە، «ەگەر وسىلاي بولسا، ءبىزدىڭ ءومىرىمىز قازاقستاندىق ەتنوستاردا اسىپ تۇسكەندە قايتالانبايتىن 100 ايرىقشا ەرەكشەلىك بار ەكەنىن كورسەتىپ وتىر. وسىنىڭ بارلىعىن قوسقاندا ءبىزدىڭ ءبىرتۇتاس ۇلتقا بىرەگەي باسىمدىق بەرەدى»، - دەپ ءتۇيدى ن. نازاربايەۆ.
اۆتور: رۋسلان عابباسوۆ
