ءمولدىر اۋەلبەكوۆا كۇيەۋىن «شالعا» تەڭەگەندەرگە وكپەسى قارا قازانداي
«ارىستان مەنەن ءبىر جاس ۇلكەن. جولداسىم 1985 -جىلعى ال مەن 1986 -جىلعىمىن. باسقا- باسقا، مەن سۇيىكتىمە ءسوز تيگىزبەيمىن! تيىلىڭىزدار! قارا ءتىزىم اشىق دەپ جاريالايمىن!»، - دەپ جازدى اۋەلبەكوۆا جەكە پاراقشاسىندا.
ءبىراق اۋەلبەكوۆانىڭ سۇيىكتىسىن "تازشا بالاعا" تەڭەپ، "شال" دەپ ەسەپتەيتىندەر ەش تيىلار ەمەس.
«ءمولدىر، كەشىرەرسىڭ، ءبىراق وسى جىگىتتەن باسقا جىگىت قۇرىپ قالدى ما؟ ءتۇرى دە ونشا ەمەس، شاشى دا جوق، سەمىز. ءوزىڭ سۇلۋسىڭ، ايداي كوركىڭ بار، نە بولسا دا باقىتتى بول ەندى»، - دەيدى جانكۇيەرلەر.
ءانشىنى جاقتاپ، جۇبايلىق ومىردە باقىت تىلەگەن حالىقتىڭ دەنى ءمولدىردىڭ تاڭداۋى جاقسى ەكەنىن ايتادى.
كەيبىر جازىلۋشىلاردىڭ پىكىرىنشە، ەركەكتىڭ ءتۇرى مايمىلدان ءسال ادەمىرەك بولسا بولعانى، ەڭ ماڭىزدىسى ونىڭ مىنەزى، ءارى قاراي ايەلى مەن بالالارىن بۇل ومىردە سىيلاپ، جاقسى كورىپ، قادىرلەپ، اسىراپ، بار جاعدايىن ىستەپ وتىرعانى كەرەك.
«ءتۇرى جوق دەپ ايتۋعا ۇيات ەمەس پە ەكەن، ەشنارسەسى جوق، سۇيكىمدى جىگىت. ەڭ ماڭىزدىسى - حالقىمىزدىڭ ەركە قىزى باقىتتى بولسىن. ول باقىتتى بولسا حالقىن كەرەمەت اندەرىمەن تەربەتەدى»، - دەپ ءسوز تالاستىرۋدا عالامتور قولدانۋشىلارى ءبىر- بىرىمەن.
«وزىمە ءمولدىردىڭ جۇبايى ۇنادى. كورگەندە بىردەن قازاقتىڭ ناعىز باتىرلارى ەلەستەدى. ناعىز ازامات ەكەنى بايقالىپ تۇر. جاس جۇبايلاردىڭ باقىتتى بولۋىنا تىلەكتەسپىز»، - دەيدى كەي جانكۇيەرلەر.
