ەلباسى تاۋەلسىزدىك مەرەكەسىنە وراي ازاماتتاردىڭ ءبىر توبىن مەملەكەتتىك ناگرادالارمەن ماراپاتتادى - فوتو
تاريحي ولشەم تۇرعىسىنان قىسقا ۋاقىتتا ءبىز ۇلكەن جولدان وتتىك، مەملەكەتتىلىكتى نىعايتىپ، ەكونوميكانى دامىتتىق، قازاقستاندىقتاردىڭ جاڭا بۋىنىن تاربيەلەدىك. ءبىز يندۋستريالىق- يننوۆاتسيالىق باعدارلامانى جۇزەگە اسىرىپ جاتىرمىز. بيىل ءۇشىنشى عارىشكەرىمىز عارىشتا بولىپ كەلدى. قازاقستان د س ۇ- نىڭ مۇشەسىنە اينالدى. الەمدىك ەكونوميكاداعى قيىندىقتارعا قاراماستان، ءبىز كوپ ءىس تىندىردىق. بۇل تابىستا بۇكىل قازاقستاندىقتاردىڭ جۇمساعان كۇش- جىگەرى بار. ناگرادالار مەن اتاقتار - وتانداستارىمىزدىڭ قاجىرلى ەڭبەگى مەن قىزمەتىن حالىقتىڭ جوعارى دەڭگەيدە باعالاۋىنىڭ بەلگىسى، - دەدى مەملەكەت باسشىسى.
نۇرسۇلتان نازاربايەۆ مەملەكەتتىك ناگرادالارمەن اتاپ وتىلگەن ازاماتتاردىڭ جەتىستىكتەرىنە توقتالدى.
اتاپ ايتقاندا، «قازاقستاننىڭ ەڭبەك ەرى» اتاعى ۇزاق جىلدار بويى ءوندىرۋشى سالادا جۇمىس ىستەگەن، ءوز كاسىبىنىڭ ۇزدىك مامانى رەتىندە زور قۇرمەتكە يە بولعان ر. امرەنوۆكە بەرىلدى.
ءدال وسىنداي جوعارى اتاققا م. يسكانديروۆ تا لايىق دەپ تانىلدى، ونىڭ بۇكىل ەڭبەك جولى فوسفور ونەركاسىبىمەن بايلانىستى. ول بۇل سالاعا 30 جىلدان استام ءومىرىن ارناعان.
وسى اتاق اگرارلىق سالادا 40 جىلدان اسا جۇمىس ىستەگەن جانە ۇجىمىنا جاقسى قامقورلىق جاسايتىن ىلگەرىشىل شارۋاشىلىقتى باسقاراتىن ب. كنيازيەۆكە بەرىلدى.
«وتان» وردەنىمەن تانىمال ءانشى ءارى كومپوزيتور ەسكەندىر حاسانعاليەۆ اتاپ ءوتىلدى، ونىڭ اندەرى حالىقتىڭ رۋحىن كوتەرىپ، وسكەلەڭ ۇرپاقتى وتانشىلدىققا تاربيەلەپ كەلەدى.
«پاراسات» وردەنىمەن ش. كاسۋ ماراپاتتالدى. ول ءبىرقاتار مەملەكەتتىك باعدارلامالاردى ازىرلەۋ ىسىنە ساراپشى رەتىندە ەلەۋلى ۇلەس قوستى، ال نازاربايەۆ ۋنيۆەرسيتەتى ونىڭ باسشىلىعىمەن حالىقارالىق دەڭگەيدەگى جوعارى وقۋ ورنىنا اينالدى.
II دارەجەلى «دوستىق» وردەنىنە ەتنوسارالىق جانە كونفەسسياارالىق كەلىسىمدى نىعايتۋ ىسىنە زور ۇلەس قوسقان ەتنومادەني بىرلەستىكتى باسقاراتىن ل. كان لايىق دەپ تانىلدى.
بيىل ءبىرىنشى رەت «ەڭبەك داڭقى» وردەنى تاپسىرىلىپ وتىر. ونىڭ ءۇش دارەجەسىن يەلەنگەن لاۋرەاتتارعا «قازاقستاننىڭ ەڭبەك ەرى» اتاعى بەرىلەدى. بۇل ماراپاتقا العاش يە بولعاندار قاتارىندا اتىراۋ قالاسىنان «كاسپيي قۇبىر كونسورتسيۋمى- ك» ا ق وپەراتورى ە. جۇماعاليەۆ، قاراعاندى وبلىسىنىڭ تەمىرتاۋ قالاسىنان «ارسەلورميتتال تەمىرتاۋ» ا ق تەمىر كەسۋشىسى م. يبرايەۆ جانە الماتى وبلىسىنان «الماتى» اسىل تۇقىمدى زاۋىتى» ا و ك اعا شوپانى ك. سەيتەنبەكوۆا بار.
«قازاقستاننىڭ ەڭبەك سىڭىرگەن قايراتكەرى» قۇرمەتتى اتاعى س. اقشولاقوۆقا بەرىلدى. ونىڭ ەڭبەگى عىلىمعا، سونداي- اق ەلىمىزدەگى نەيروحيرۋرگيا تەحنولوگيالارىن ىلگەرىلەتۋگە قوسىلعان ۇلەس بولىپ سانالادى.
قوعامدىق قاۋىپسىزدىكتى قامتاماسىز ەتۋ ىسىندە الماتى قالاسىنىڭ ىشكى ىستەر دەپارتامەنتىنىڭ اعا ينسپەكتورى ە. ابدراحيموۆتىڭ ەرلىگى «ايبىن» وردەنىمەن اتاپ ءوتىلدى.
مەملەكەت باسشىسى بۇگىن مەملەكەتتىك ناگرادالارمەن مادەنيەت، عىلىم، ءبىلىم، دەنساۋلىق ساقتاۋ سالاسىنىڭ قايراتكەرلەرى، ءوندىرىس پەن بيزنەس سالاسىنىڭ وكىلدەرى، قۇقىق قورعاۋ ورگاندارىنىڭ قىزمەتكەرلەرى، اسكەري قىزمەتشىلەر، سپورتشىلار، سوعىس جانە ەڭبەك ارداگەرلەرى، مەملەكەتتىك قىزمەتشىلەر ماراپاتتالىپ جاتقانىن ايتتى.
بۇكىل ەل بويىنشا ماراپاتتالۋشىلارعا مەنىڭ اتىمنان وردەندەر مەن مەدالدار تاپسىرىلۋدا. سىزدەردىڭ ءارقايسىڭىزدىڭ وتانىمىزدىڭ يگىلىگى جولىنداعى جۇمىستا ۇلەستەرىڭىز بەن تاجىريبەلەرىڭىز بار. ءارقايسىڭىزدى قازاقستاننىڭ ماقتانىشى دەپ ايتۋعا ابدەن بولادى. وسىنىڭ بارىنە ەڭبەكپەن جەتتىڭىزدەر. ءبىز ەڭبەك ادامىنا قۇرمەت كورسەتۋگە ءتيىسپىز، سوندىقتان «ەڭبەك داڭقى» وردەنىن العان ادامداردىڭ قىزمەتىن ايرىقشا اتاپ وتكىم كەلەدى. بۇل - ەكونوميكالىق قۋاتتى ەسەلەپ جاتقان ەڭبەكشىلەر ءۇشىن ۇلگى بولسىن، سونىڭ نەگىزىندە بارلىق وزگە سالالار دامىپ جاتىر»، - دەدى قازاقستان پرەزيدەنتى.
نۇرسۇلتان نازاربايەۆ بارلىق ماراپاتتالۋشىلاردى الداعى مەرەكەلەرمەن قۇتتىقتاپ، مىقتى دەنساۋلىق پەن تابىس تىلەدى.
***
«قازاقستاننىڭ ەڭبەك ەرى» اتاعى «ەۋروازياتتىق ەنەرگەتيكالىق كورپوراتسيا» ا ق «ۆوستوچنىي» رازرەزىنىڭ مەحانيگى، پاۆلودار وبلىسىنىڭ ەكىباستۇز قالاسىنان - ر. امىرەنوۆكە، «قازفوسفات» ج ش س باس ديرەكتورى، تاراز قالاسىنان - م. يسكانديروۆكە، «التىنسارينو» ج ش س ديرەكتورى، قوستاناي وبلىسىنىڭ قامىستى اۋدانىنان - ، ب. كنيازيەۆكە بەرىلدى.
«وتان» وردەنىمەن «كامىشينسكوە-2» ج ش س ديرەكتورى، شىعىس قازاقستان وبلىسىنىڭ شەمونايحا اۋدانىنان - ۆ. اكۋلوۆ، جازۋشى، استانا قالاسىنان - ءا. ءاشىموۆ (اكىم تارازي)، سازگەر، الماتى قالاسىنان - ە. حاسانعاليەۆ ماراپاتتالدى.
«قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازاربايەۆ» وردەنىنە قىزىلوردا وبلىسىنىڭ اكىمى ق. كوشەربايەۆ، پرەزيدەنت اكىمشىلىگىنىڭ باسشىسى ن. نىعماتۋلين لايىق دەپ تانىلدى.
Ⅱ دارەجەلى «بارىس» وردەنىمەن پارلامەنت ءماجىلىسىنىڭ ءتوراعاسى ق. جاقىپوۆتىڭ، «ل. گۋميلەۆ اتىنداعى ەۋرازيا ۇلتتىق ۋنيۆەرسيتەتى» ر م ك رەكتورى ە، سىزدىقوۆتىڭ ەڭبەگى اتاپ ءوتىلدى.
Ⅲ دارەجەلى «بارىس» وردەنىمەن پەتروپاۆل قالاسىنداعى «ورتا ازيا ەلەكتر-ەنەرگەتيكا كورپوراتسياسى» اق ديرەكتورلار كەڭەسىنىڭ ءتوراعاسى ا. كلەبانوۆ، استانا قالاسىنداعى «قازاقستان رەسپۋبليكاسى كاسىپوداقتار فەدەراتسياسى» كاسىپوداقتار رەسپۋبليكالىق بىرلەستىگىنىڭ ءتوراعاسى ءا. قۇسايىنوۆ ماراپاتتالدى.
«پاراسات» وردەنىنە پرەزيدەنتتىڭ كومەكشىسى - قاۋىپسىزدىك كەڭەسىنىڭ حاتشىسى ن. ەرمەكبايەۆ، «نازاربايەۆ ۋنيۆەرسيتەتى» د ب ب ۇ پرەزيدەنتى ش. كاسۋ، جامبىل وبلىسىنىڭ اكىمى ك. كوكىرەكبايەۆ، اۋىل شارۋاشىلىعى ءمينيسترى ا. مامىتبەكوۆ لايىق دەپ تانىلدى.
Ⅱ دارەجەلى «دوستىق» وردەنىمەن تاراز قالاسىنداعى «كوريە» جامبىل وبلىسىنىڭ كورەيلەر اسسوتسياتسياسى» ق ب پرەزيدەنتى ل، كاننىڭ ەڭبەگى اتاپ ءوتىلدى.
«قۇرمەت» وردەنىمەن وڭتۇستىك قازاقستان وبلىسىنىڭ تۇركىستان قالاسىنداعى «تۇركىستان مەديتسينا كوللەدجى» م ك ق ك ديرەكتورى ع. بيمۇرزايەۆ، اقمولا وبلىسىنىڭ شورتاندى اۋدانىنداعى «جاكەن-1» ج ش س ديرەكتورى ا. برەنەر، جوعارعى سوت سۋدياسى ۇ. سۇلەيمەنوۆا ماراپاتتالدى.
Ⅲ دارەجەلى «ەڭبەك داڭقى» وردەنىنە اتىراۋ قالاسىنداعى «كاسپي قۇبىر كونسورتسيۋمى- ك» ا ق «تەڭىز» ستانتسياسىنىڭ وپەراتورى ە. جۇماعاليەۆ، قاراعاندى وبلىسىنىڭ تەمىرتاۋ قالاسىنداعى «ارسەلورميتتال تەمىرتاۋ» ا ق تەمىر كەسۋشىسى م. يبرايەۆ، قوستاناي وبلىسىنىڭ تاران اۋدانىنداعى «ادلەت- ت» ج ش س مەحانيزاتورى ن. كاپرانچيكوۆ، سولتۇستىك قازاقستان وبلىسىنىڭ اققايىڭ اۋدانىنداعى «دايىندىق» ج ش س كومباينەرى ا. ساعىندىقوۆ، الماتى وبلىسىنىڭ تالعار اۋدانىنداعى «الماتى» اسىل تۇقىمدى زاۋىتى» ا و ك اعا شوپانى ك. سەيتەنبەكوۆا لايىق دەپ تانىلدى.
«قازاقستاننىڭ ەڭبەك سىڭىرگەن قايراتكەرى» اتاعى «ۇلتتىق نەيروحيرۋرگيا ورتالىعى» ا ق باسقارما ءتوراعاسى س. اقشولاقوۆقا، الماتى قالاسىنداعى «ع. مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترى» ر م ق ك ءارتىسى ا. يمانبايەۆاعا بەرىلدى.
I دارەجەلى «داڭق» وردەنىمەن ۇلتتىق قاۋىپسىزدىك كوميتەتى ءتوراعاسىنىڭ ءبىرىنشى ورىنباسارى ۆ. جۇماقانوۆتىڭ، Ⅱ دارەجەلى «داڭق» وردەنىمەن ب. اشقاروۆتىڭ، «سىربار» سىرتقى بارلاۋ قىزمەتىنىڭ ديرەكتورى ع. بايجانوۆتىڭ قىزمەتى اتاپ ءوتىلدى.
Ⅱ دارەجەلى «ايبىن» وردەنىمەن ىشكى ىستەر مينيسترلىگى الماتى قالاسى ىشكى ىستەر دەپارتامەنتىنىڭ جول- پاترۋلدىك پوليتسياسىنىڭ اعا ينسپەكتورى ە. ابدراحيموۆ، مەملەكەتتىك كۇزەت قىزمەتىنىڭ دەپارتامەنت باستىعى ر. نۇركين، قورعانىس مينيسترلىگى 03534 اسكەري ءبولىمىنىڭ كومانديرى س. پوپلاۆسكي ماراپاتتالدى.
