13:58, 15 - جەلتوقسان 2015 | GMT +5
قازاقستانداعى ا ق ش ەلشىسى قازاق تىلىندە تاۋەلسىزدىك مەرەكەسىمەن قۇتتىقتادى - كەسكىن
استانا. قازاقپارات - امەريكا قۇراما شتاتتارىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى دجورد كرول قازاقستاندىقتاردى قازاق تىلىندە تاۋەلسىزدىك مەيرامىمەن قۇتتىقتادى.
ەلشىنىڭ بەينە قۇتتىقتاۋىن ەلشىلىكتىڭ باسپا ءسوز قىزمەتى الەۋمەتتىك جەلىلەردە جاريالاپ وتىر.
«قۇرمەتتى قازاقستاندىقتار! سالەمەتسىزدەر مە! سىزدەردى امەريكا قۇراما شتاتتارىنىڭ ۇكىمەتى اتىنان قازاقستان رەسپۋبليكاسىنىڭ تاۋەلسىزدىك كۇنىمەن قۇتتىقتاۋعا رۇقسات ەتىڭىزدەر. ا ق ش 24 جىل بۇرىن قازاقستاندا ءوز ەلشىلىگىن اشقان ءبىرىنشى مەملەكەت. سودان بەرى امەريكا قازاقستاننىڭ سەرىكتەسى جانە جاقسى دوسى بولىپ كەلەدى. تاۋەلسىزدىك كۇنى قارساڭىندا قازاقستاننىڭ بارشا ازاماتتارىنا باقىت، بەيبىتشىلىك جانە ەڭبەكتەرىنە تابىس تىلەيمىن. مەيرامدارىڭىز قۇتتى بولسىن!» - دەدى ءوز قۇتتىقتاۋىندا ەلشى.
