ايسۇلتان نازاربايەۆ ومىردەن وتكەن اكەسى تۋرالى اعىنان جارىلدى

جاقىندا مەنىڭ كوزىمە بۇقار جىراۋدىڭ ايتقان ءبىر ناقىل ءسوزى شالىندى (ابىلاي حاننىڭ كەڭەسشىسى): اكەلى بالا - جاۋ جۇرەك، اكەسىز بالا - سۇم جۇرەك. ءوز اكەسىن مويىنداعان ادام - باتىل. ءوز اكەسىنەن بەزگەن ادام - زۇلىم.

كەيبىر جاعدايلارعا بايلانىستى 10- جەلتوقسان كۇنى مەن وسى سوزدەردى وقىدىم. سول كۇنى مەنىڭ اكەم راحات اليەۆ ءوزىنىڭ 53 جاسىن قارسى الار ما ەدى، الايدا، وكىنىشكە قاراي اللانىڭ وزگە جوسپارلارى بولىپتى.

ول وتە قاراپايىم ادام بولاتىن، الايدا ءومىر دەگەن قيىن دۇنيە. وندا ءبارى قارا نەمەسە اق بولۋى مۇمكىن. ءومىردىڭ ءمانى - ەرەكشەلىگى مەن وزگەشەلگىندە. ماعان جاقسى تاربيە بەردى، ءوسىردى، وقىتتى، ءدال سول ادام مەنىڭ فۋتبول مەن سپورتقا دەگەن ماحابباتىمدى وياتقان، سوندىقتان دا مەن ونى ءارقاشان تەك جاقسى اكە رەتىندە ەسكە الامىن.

قانداي جاعداي بولماسىن، ءوز اكەسىنىڭ ۇلى رەتىندە مەن وعان تەك العىس ايتامىن.

كەيدە مەن ول تۋرالى ءارتۇرلى نارسەلەردى وقيمىن. ونى سىيلاعان جانە جاقسى كورگەن ادامدار بار، جانە ءالى كۇنگە دەيىن كورگىسى كەلمەيتىن دە ادامدار بار.

مەن اللادان قورقاتىن ادام رەتىندە ەشكىمدى سوكپەيمىن، ەرتە مە، كەش پە ءبارىمىز سونىڭ الدىنا بارامىز، سوندا اركىم ءوزىنىڭ شىندىعىنا قاراي جاۋاپ بەرەدى. بىرەۋدى سوگۋ - اركىم كوتەرە بىلمەيتىن وتە اۋىر سالماق.

ءتىپتى پرەزيدەنت وتكەنىن ەسكە الىپ وتىرىپ، اكەمنىڭ تاعدىرىنا قاتىستى شەشىم قابىلداعاندا قاتتى قينالعانىن ايتتى. مەن اتامنىڭ بويىنداعى باتىلدىق پەن جىگەرلىلىككە تاڭدانامىن. كوپ ادام بىلە بەرمەيدى، ول مەنىڭ اكەمنىڭ ورنىن الماستىرىپ، قايراتتى جۇرەك پەن پاراساتتى اقىل ارقىلى ءومىر سۇرۋگە ۇيرەتكەنىن. مەن ويلايمىن وسىنىڭ ارقاسىندا شىندىقتان قورىقپاي، ءوز ارىمنان ۇيالماي، مەن وزىممەن ءوزىم بولۋدى ۇيرەندىم. ول مەنى شىنايى ءومىر جانە ءوز ۇندەستىگىممەن ءومىر سۇرۋگە ۇيرەتتى.

كوپشىلىكتىڭ الدىندا ءوزىمنىڭ ەرتەڭىم ءۇشىن اكەمنەن تەرىس اينالۋىم كەرەك دەگەن پىكىر ايتقان مەنىڭ ومىرىمدە كەڭەسشىلەر دە بولدى. وكىنىشتى، ەگەر ونداي ادامداردىڭ جانى بولماسا ونداي ادامدار قالاي ءومىر سۇرەدى؟

مەن ءوز اكەمنەن تەرىس اينالۋدى ەشقاشان دا ويلاعان ەمەسپىن. سەبەبى، اناممەن ماعان ءومىر سىيلاعان ادام - مەنىڭ اكەم ەكەنىن ەشكىم دە، ەشتەڭە دە وزگەرتە المايدى.

مەن قانداي دا ءبىر جەكە ماقساتتار ءۇشىن نەمەسە قانداي دا ءبىر مانساپ ءۇشىن ودان باس تارتپاق ەمەسپىن. ءومىردى ءسۇرىپ جانە ءومىرىمنىڭ سوڭىنا دەيىن ءوز-وزىنە ادال بولىپ قالۋدان اسقان مانساپ جوق. مەنىڭ بۇل دۇنيەدە قاتتى قورقاتىن نارسەم كوپ، جىلداردان كەيىن ويانىپ، ءوزىمدى جوعالتىپ العانىمدى سەزىنۋ. ءدال سونداي ادامداردىڭ وسى ومىردە دە، انا ومىردە دە باقىتى مەن تىنىشتىعى بولمايدى.

10- جەلتوقسان كۇنى اكەمدى تەك جاقسى ويلارمەن ەسكە الدىم. مەنىڭ جۇرەگىمدە ءدال سول ساتتە ەشقانداي زۇلىمدىق بولعان جوق. تەك جىلى سەزىمدەر مەن تەك كوكتە عانا كورىسەتىنىمىز جايلى ازداعان وكىنىش بولدى.

مەن ومىردەن وتكەندەر تۋرالى جاقسىلىعىن عانا ايتۋ كەرەك دەپ ايتىپ كەتكەن ادام وتە دانا كىسى بولعان دەپ سانايمىن. ادامنان حايۋانعا اينالىپ كەتپەۋدىڭ جاقسى جولى. قازىر مەنىڭ دە وتباسىم بار، ينشاللا بالالارىم دا بولادى. مەنىڭ تاعدىرىم قانداي بولارىن بىلمەيمىن، ءبىراق بارىنەن بۇرىن ۇلىم نەمەسە ۇلدارىم مەنى ءدال سولاي، ەشتەڭەگە قاراماستان، قۇرمەتپەن ەسكە الىپ وتىرعانىن قالايمىن. سول كەزدە مەن، ءتىپتى اسپاندا ولارعا بۇقار جىراۋدىڭ ءوزى «سەندەر ناعىز ەرسىڭدەر - ماقتان تۇتامىن» دەگەن سوزدەرىمەن قاراپ تۇرا الامىن.