استانادا «قازاقستاندا جاسالعان» اتتى وتاندىق تاۋار وندىرۋشىلەر دۇكەنى اشىلدى - فوتو
استانا. قازاقپارات - استانادا «ZK- دا جاسالعان» اتتى وتاندىق تاۋار وندىرۋشىلەردىڭ دۇكەنى اشىلدى.
دۇكەن اباي داڭعىلىمەن قيىلىستا، كۇمىسبەكوۆ كوشەسى بويىندا ورنالاسقان. مۇندا قازاقستاننىڭ بارلىق وڭىرلەرىنەن 30-دان استام وتاندىق وندىرۋشىلەر ءونىمى ۇسىنىلدى.
«ءبىز تەلەديداردان قازاقستانداعى جەڭىل ونەركاسىپ ءونىمى جايلى تۇراقتى تۇردە سيۋجەتتەردى تاماشالايمىز. الايدا ولاردى قايدان ساتىپ الۋعا بولادى؟
وسى سۇراققا جاۋاپ بەرۋ ءۇشىن ءبىز ءونىمدى ساتۋدى جەڭىل ونەركاسىپ جونىمدەرىن وندىرۋشىلەر وداعىمەن بىرلەسىپ ءبىر الاڭدا شوعىرلاندىرۋعا تىرىستىق. بۇل ءوزىنىڭ جالعاسىن تابادى دەگەن سەنىمدەمىز، باسقا دا وڭىرلەردە وسىنداي دۇكەندەر اشىلسا دەيمىز»، - دەپ اتاپ ءوتتى جۋرناليستەرگە بەرگەن سۇحباتىندا استانا قالاسى كاسىپكەرلىك جانە ونەركاسىپ باسقارماسىنىڭ باسشىسى ماليكا بەكتۇروۆا.
بۇل دۇكەندە ساتىپ الۋشى كيىمنىڭ بارلىق اسسورتيمەنتىن تابادى: شۇلىق بۇيىمدارى، سىرتقى، ىسكەرلىك كيىم، اياق كيىم جانە ت. ب. بۇدان باسقا، مۇندا سۇلگى، داستارقان، حالاتتار دا ساتىلادى.
