سەرىك احمەتوۆ پەن باسقا دا تۇلعالارعا قاتىستى ءىس بويىنشا سوت ۇكىمى جاريالاندى

ۇكىمگە سايكەس، بۇرىنعى پرەمەر- مينيستر س. احمەتوۆ ق ر ق ك- نىڭ 176-بابىنىڭ 4-بولىگىنىڭ «ب» تارماعى (سەنىپ تاپسىرىلعان بوتەن مۇلىكتى يەلەنىپ الۋ نەمەسە ىسىراپ ەتۋ)، ق ر ق ك- نىڭ 310-بابىنىڭ 3-بولىگى (كاسىپكەرلىك قىزمەتكە زاڭسىز قاتىسۋ)، ق ر ق ك- نىڭ 307-بابىنىڭ 3-بولىگى (قىزمەت وكىلەتتىگىن تەرىس پايدالانۋ)، ق ر ق ك-نىڭ 310-1-بابىنىڭ 3-بولىگى (زاڭدى كاسىپكەرلىك قىزمەتكە كەدەرگى كەلتىرۋ) بويىنشا كىنالى دەپ تانىلدى.

قىلمىستاردىڭ جيىنتىعى بويىنشا، ق ر ق ك- نىڭ 58-بابىنىڭ 3-بولىگىنىڭ نەگىزىندە، ونشا قاتاڭ ەمەس جازانى نەعۇرلىم قاتاڭ جازاعا ءسىڭىرۋ ارقىلى ونىڭ مۇلكى تاركىلەنىپ، مەملەكەتتىك ورگانداردا لاۋازىمدى قىزمەت اتقارۋ قۇقىعىنان 5 جىلعا ايىرىلا وتىرىپ، 10 جىل مەرزىمگە باس بوستاندىعىنان ايىرۋ جازاسى تاعايىندالدى. جازانى جالپى رەجيمدەگى تۇزەۋ كولونياسىندا وتەيتىن بولدى.

س. احمەتوۆ سوت وتىرىسى زالىندا قاماۋعا الىندى.

قاراعاندى وبلىسىنىڭ بۇرىنعى اكىمى ب. ابدىشەۆ ق ر ق ك- نىڭ 310-بابىنىڭ 3-بولىگى (كاسىپكەرلىك قىزمەتكە زاڭسىز قاتىسۋ)، ق ر ق ك- نىڭ 307-بابىنىڭ 3-بولىگى (قىزمەت وكىلەتتىگىن تەرىس پايدالانۋ)، ق ر ق ك-نىڭ 310-1-بابىنىڭ 3-بولىگى (زاڭدى كاسىپكەرلىك قىزمەتكە كەدەرگى كەلتىرۋ) بويىنشا كىنالى دەپ تانىلدى.

قىلمىستاردىڭ جيىنتىعى بويىنشا، ق ر ق ك-نىڭ 58-بابىنىڭ 3-بولىگىنىڭ نەگىزىندە، ونشا قاتاڭ ەمەس جازانى نەعۇرلىم قاتاڭ جازاعا ءسىڭىرۋ ارقىلى، ونىڭ مۇلكى تاركىلەنىپ، مەملەكەتتىك ورگانداردا لاۋازىمدى قىزمەت اتقارۋ قۇقىعىنان 5 جىلعا ايىرىلا وتىرىپ، 5 جىل مەرزىمگە باس بوستاندىعىنان ايىرۋ جازاسى تاعايىندالدى. جازانى جالپى رەجيمدەگى تۇزەۋ كولونياسىندا وتەيتىن بولدى.

قاماۋدا ۇستاۋ تۇرىندەگى بۇلتارتپاۋ شاراسى ۇكىم زاڭدى كۇشىنە ەنگەنشە بۇرىنعىسىنشا قالدىرىلدى.

قاراعاندى وبلىسى اكىمىنىڭ بۇرىنعى ءبىرىنشى ورىنباسارى ع. مۇحامبەتوۆ 176-بابىنىڭ 4-بولىگىنىڭ «ب» تارماعى (سەنىپ تاپسىرىلعان بوتەن مۇلىكتى يەلەنىپ الۋ نەمەسە ىسىراپ ەتۋ) بويىنشا كىنالى دەپ تانىلىپ، ونىڭ مۇلكى تاركىلەنىپ، مەملەكەتتىك ورگانداردا لاۋازىمدى قىزمەت اتقارۋ قۇقىعىنان 5 جىلعا ايىرىلا وتىرىپ، 3 جىل مەرزىمگە باس بوستاندىعىنان ايىرۋ جازاسى تاعايىندالدى. جازانى جالپى رەجيمدەگى تۇزەۋ كولونياسىندا وتەيتىن بولدى.

ع. مۇحامبەتوۆ سوت وتىرىسى زالىندا قاماۋعا الىندى.

قاراعاندى قالاسىنىڭ بۇرىنعى اكىمى م. سماعۇلوۆ ق ر ق ك- نىڭ 310-1-بابىنىڭ 3-بولىگى (زاڭدى كاسىپكەرلىك قىزمەتكە كەدەرگى كەلتىرۋ) جانە ق ر ق ك- نىڭ 307-بابىنىڭ 3-بولىگى (قىزمەت وكىلەتتىگىن تەرىس پايدالانۋ) بويىنشا كىنالى دەپ تانىلدى.

قىلمىستاردىڭ جيىنتىعى بويىنشا، ق ر ق ك- نىڭ 58-بابىنىڭ 3-بولىگىنىڭ نەگىزىندە، ونشا قاتاڭ ەمەس جازانى نەعۇرلىم قاتاڭ جازاعا ءسىڭىرۋ ارقىلى ونىڭ مۇلكى تاركىلەنىپ، مەملەكەتتىك ورگانداردا لاۋازىمدى قىزمەت اتقارۋ قۇقىعىنان 5 جىلعا ايىرىلا وتىرىپ، 3 جىل مەرزىمگە باس بوستاندىعىنان ايىرۋ جازاسى تاعايىندالدى. جازانى جالپى رەجيمدەگى تۇزەۋ كولونياسىندا وتەيتىن بولدى.

قاماۋدا ۇستاۋ تۇرىندەگى بۇلتارتپاۋ شاراسى ۇكىم زاڭدى كۇشىنە ەنگەنشە بۇرىنعىسىنشا قالدىرىلدى.

سوتتىڭ ۇكىمىمەن قىلمىستىق ءىستىڭ 7 فيگۋرانتى تاعىلعان ايىپتاۋلارعا سايكەس كىنالى دەپ تانىلىپ، باس بوستاندىعىنان ايىرۋدىڭ ءار ءتۇرلى مەرزىمدەرىنە سوتتالدى (سوت سانكسياسىنا سايكەس سوتتالعان ادامداردىڭ ءتىزىمى قوسا بەرىلىپ وتىر).

بارلىق قىلمىستاردىڭ 2015 -جىلعى 1 -قاڭتارعا دەيىن جاسالعاندىعى ەسكەرىلە وتىرىپ، قازاقستان رەسپۋبليكاسى قىلمىستىق كودەكسىنىڭ 1997 -جىلعى 16 -شىلدەسىندەگى رەداكسياسىنا سايكەس سانكتسيالار قولدانىلدى.

سوتتالۋشىلار ع. ماتايەۆقا، م. ادامبەكوۆكە، ا. جاكەنوۆكە، م. شالتاقوۆقا، ق. مۇسايەۆقا، ب. اسقاروۆاعا ق ر ق ك- نىڭ 63-بابىنىڭ نەگىزىندە 3 جىل سىناق مەرزىمگە شارتتى جازا تاعايىندالدى.

ك. پىرالييەۆا ق ر ق ك- نىڭ 28-بابىنىڭ 5-بولىگى، 307-بابىنىڭ 3-بولىگى بويىنشا كىنالى دەپ تانىلىپ، 4600000 تەڭگە كولەمىندە ايىپپۇل سالىندى.

قىلمىستىق ءىستىڭ ءۇش فيگۋرانتى - ا. ت. اقمولدايەۆ، ع. ت. راحىمجانوۆ، د. ق. نۇربايەۆ ق ر ق ك- ءنىڭ 65-بابىنىڭ 1-بولىگى نەگىزىندە شىنايى وكىنۋىنە بايلانىستى قىلمىستىق جاۋاپتىلىقتان بوساتىلىپ، سوت زالىنان جىبەرىلدى.

ەسكە سالا كەتەيىك، بۇل ءىس بويىنشا 7 ءتۇرلى ەپيزودقا سايكەس بارلىعى 21 ادام ايىپتالعان بولاتىن. ءىس بويىنشا سوت تالقىلاۋى 2015 -جىلعى 10 -تامىزدا باستالىپ، ءتورت ايعا سوزىلدى. سوت تەرگەۋى مەن سوت جارىسسوزدەرى 2015 -جىلعى 9 -جەلتوقساندا اياقتالدى.