باسپانالى بولۋ ءۇشىن ەلورداعا اعىلاتىن اعايىنعا شەكتەۋ قويىلدى
بۇدان بىلاي استانادان پاتەر الۋ ءۇشىن ازاماتتار وندا ەڭ كەمى 2 جىل تىركەۋدە تۇرۋى قاجەت.
بۇل تۋرالى استانانىڭ تۇرعىن ءۇي باسقارماسىنىڭ باسشىسى رۋسلان احمەتوۆ مالىمدەدى دەپ جازادى الماتى ارناسى.
جۋىردا ەلباسى نۇرسۇلتان نازاربايەۆ رەسپۋبليكانىڭ ءار وڭىرىنەن باسپانالى بولعىسى كەلەتىن حالىق استاناعا اعىلىپ كەزەككە تۇرىپ، جارتى جىلدان سوڭ-اق پاتەرگە قول جەتكىزەتىنىن سىنعا العان.
سايكەسىنشە ءتيىستى شارالار قولدانىلىپ، زاڭناماعا ءبىرقاتار وزگەرىستەر ەنگىزىلدى. ەندى باس قالادان باسپانا العىسى كەلەتىن جاس وتباسىلار استانادا كەمىندە 2 جىل تىركەۋدە تۇرۋى شارت. ال ونداي قۇجاتى بولماسا، مەملەكەتتىك تۇرعىن ءۇي باعدارلاماسىنا قاتىسا المايدى. بۇعان قوسا، مەملەكەتتىك قىزمەتكەرلەر ەندى تەك 3 جىلدان سوڭ عانا پاتەر كەزەگىنە تۇرا الادى.
