قىتايدا اسا باي ادامداردىڭ ءبىرى جوعالىپ كەتتى
كەي دەرەكتەرگە سۇيەنسەك، گۋو گۋاڭچاڭ قىتايداعى ەڭ باي ادامداردىڭ ءبىرى. ول 10 جەلتوقسان، بەيسەنبىدەن باستاپ بايلانىسقا شىقپاعان، دەپ حابارلايدى بي- بي- سي.
اقشالى الپاۋىتتى شاڭحاي اۋەجايىندا پوليتسيا قىزمەتكەرلەرى ۇستاۋى مۇمكىن دەگەن بولجام بار. الايدا وعان قاتىستى تەرگەۋ جۇرگىزىلىپ جاتقانى جايلى اقپارات جوق.
گۋاڭچاڭنىڭ "فوسۋن" كومپانياسى ونىڭ جوعالعانى تۋرالى اقپاراتتى نە راستامادى، نە تەرىسكە شىعارمادى. كومپانيا وكىلى تەك ونىڭ ادەتتەگىدەي جۇمىس ىستەپ جاتقاندىعىن مالىمدەپ وتىر.
