رەسەيلىك اگرارشىلار سولتۇستىك قازاقستاندىقتارعا ءبيدايدىڭ ەرتە پىسەتىن سۇرىپتارىن ءوسىرۋدى ۇسىندى

پەتروپاۆل. قازاقپارات - تۇمەن وبلىسىنىڭ «اگرو اليانس» عىلىمي- وندىرىستىك كومپانياسى» ج ش ق ديرەكتورى يۋريي شەتين سولتۇستىك قازاقستاندىقتارعا ءبيدايدىڭ «يرەن»، «رادۋگا»، «الابۇعا» سۇرىپتارىن ءوسىرۋدى ۇسىندى.

بۇل تۋرالى ول اۋىل شارۋاشىلىق داقىلدارىنىڭ سۇرپىن اۋىستىرۋ جانە جاڭعىرتۋ ماسەلەلەرى بويىنشا اۋىل شارۋاشىلىعى ءونىمىن وندىرۋشىلەردىڭ كەڭەسىندە ايتتى.

تۇمەن وبلىسىنىڭ «اگرو اليانس» عىلىمي-وندىرىستىك كومپانياسى» ج ش ق ديرەكتورى يۋري شەتين سوڭعى ەكى جىلدا تابيعي-كليماتتىق جاعداي قولايسىز بولىپ، اسىرەسە جيناۋ ناۋقانى كەزىندە تەمپەراتۋرا تومەن، ىلعال جوعارى بولعانىن اتاپ ءوتتى.

سولتۇستىك قازاقستاندىق اگراريلەر دە وسىنداي ماسەلەگە تاپ بولدى.

«قازىر ەرتە پىسەتىن سۇرىپتارعا دەگەن سۇرانىس ارتىپ كەلەدى. سوندىقتان سولتۇستىك قازاقستاننىڭ نارىعىنا سىناقتان وتكەن جانە ءوزىن جاقسى جاعىنان كورسەتكەن «يرەن»، «رادۋگا»، «الابۇعا» سۇرىپتارىن ۇسىنىپ وتىرمىز. بۇل سۇرىپتار جوعارى ونىمدىلىگىمەن، ءپىسۋى ورتاشا بولۋىمەن جانە ءدان ساپاسىنىڭ جوعارى بولۋىمەن ەرەكشەلەنەدى. تۇمەن جانە قورعان وبلىستارىندا بۇل سۇرىپتاردىڭ ونىمدىلىگى جوعارى»، - دەدى يۋري اندرەيەۆيچ.

ول سونداي-اق، «اگرو اليانس» كومپانياسىنىڭ س ق و- مەن ىنتىماقتاستىعى قارقىندى دامىپ كەلە جاتقانىن، وتكەن جىلى ايماققا 1000 تونناعا جۋىق تۇقىم جەتكىزىلگەنىن ايتتى.