كونگرەسس د ا ي ش- قا قارسى اسكەري قيمىلعا رۇقسات بەرۋى ءتيىس - ب. وباما
وبامانىڭ ايتۋىنشا، امەريكاندىق اسكەريلەر الەم بويىنشا تەرروريستەرگە قارسى قيمىلدارىن جالعاستىرا بەرەدى. ويتكەنى بۇل - ۇلتتىق قاۋىپسىزدىك ماسەلەسى.
د ا ي ش- قا قارسى قيمىلداردىڭ ءبىرى رەتىندە اق ءۇي باسشىسى تەرروريزمگە قاتىسى بار تۇلعالارعا قارۋ ساتۋعا تىيىم سالۋعا جانە ا ق ش- تىڭ وداقتاسى رەسەيمەن ىنتىماقتاستىقتى قولدانۋعا شاقىردى. سونىمەن قاتار، باراك وباما ا ق ش- قا قىمباتقا تۇسەتىن «جەردەگى ارنايى وپەراتسيانى» باستاماۋ كەرەكتىگىن اتاپ ءوتتى. بۇل جەردە وباما سيريا جانە يراك اسكەريلەرىن لاڭكەستەرمەن كۇرەسۋگە ۇيرەتەتىن ارنايى جاساق تۋرالى ايتىپ وتىر.
باراك وباما، ا ق ش پرەزيدەنتى:
كونگرەسستىڭ قازىرگى ۋاقىتتا جۇزەگە اسىرا الاتىن ءبىرقاتار ىستەرى بار. ا ق ش لاڭكەستەرگە قارسى ءىس- قيمىلدارعا ارالاسىپ جاتقاندىقتان، كونگرەسس تەرروريستەرگە قارسى شابۋىلداردى ءارى قاراي جالعاستىرۋعا «رۇقسات» بەرۋ تۋرالى ماسەلەنى ماقۇلداۋى قاجەت.
سونداي- اق باتىستىق باسىلىمدار بارلاۋشىلارعا سىلتەمە جاساپ، د ا ي ش- تىڭ قاتارى كۇن سايىن لاڭكەستىك توپتارمەن تولىعىپ جاتقانى تۋرالى جازىپ جاتىر. ءبىراق اق ءۇي مەن پەنتاگون بۇل بايانداما تۋرالى قانداي دا ءبىر اقپارات بەرۋدەن باس تارتقان. ال بريتاندىق The Times باسىلىمى اۋعانستاننىڭ شىعىسىنداعى دجەلالاباد قالاسىنىڭ ماڭىنداعى ۇلكەن اۋماقتى ەكسترەميستەر باسىپ العانى تۋرالى حابارلادى. ساراپشىلاردىڭ پىكىرىنشە، بۇل ەلدە تەرروريستىك توپتاردىڭ شوعىرلانۋى ت م د ەلدەرىنە قاۋىپ ءتوندىرۋى ىقتيمال.
«استانا» ارناسى
