ق ر مەملەكەتتىك حاتشىسى «دارىن» ارنايى ليتسەيىنىڭ اشىلۋ سالتاناتىنا قاتىستى - فوتو

 مەملەكەتتىك حاتشى تاۋەلسىزدىك كۇنى قارساڭىندا اشىلعان مەكتەپ استانا مەن وزگە دە وڭىرلەردەن كەلگەن دارىندى بالالارعا تەرەڭ ءبىلىم بەرەتىنىنە سەنىم ءبىلدىردى.

 «ەرتەڭ ەلوردانىڭ استاناعا اۋىسقانىنا 18 جىل تولادى ەكەن، بىرنەشە كۇننەن كەيىن تاۋەلسىزدىگىمىزدىڭ 24 جىلدىعى تويلانادى. مىنە، وسىنداي مەرەيتويلاردىڭ قارساڭىندا تاعى دا ءبىر مەكتەپ بالالارعا ەسىگىن اشتى. بۇل مەكتەپ دارىندى بالالارعا ارنالعان ءبىلىم وشاعى بولماق. استاناعا كوشىپ كەلگەندە بار بولعانى 34 مەكتەپ جۇمىس ىستەيتىن، ال قازىر ولاردىڭ سانى توقساننان اسادى. سونىمەن قاتار ەلوردا اۋىسقاندا بۇرىنعى اقمولاداعى بالالاردىڭ تۋۋ كورسەتكىشى جىلىنا بىرنەشە مىڭ بالا عانا ەدى. ال سوڭعى ستاتيستيكاعا قاراساق، بيىلدىڭ وزىندە 25 مىڭعا جۋىق ءسابي دۇنيەگە كەلدى»، - دەگەن مەملەكەتتىك حاتشى بۇنىڭ بارلىعى ەلىمىزدىڭ الەۋمەتتىك- ەكونوميكالىق جاعدايىنىڭ تۇراقتىلىعىن بايقاتادى دەپ اتاپ ءوتتى.

«ءوز كەزەگىندە، وقۋشىلارىمىز دا جاقسى كورسەتكىشتەرگە يە بولىپ ءجۇر. بۇرىن قازاقستان وقۋشىلارى حالىقارالىق ءبىلىم وليمپيادالارىندا 35-50- ورىندار الاتىن. سوڭعى ءبىر- ەكى جىلدا قازاقستاننىڭ بالالارى حالىقارالىق وليمپيادالاردا 15- ورىن الىپ وتىر»، - دەدى گ. ءابدىقالىقوۆا.

 مەملەكەتتىك حاتشى اتاپ وتكەندەي، بۇگىن ءوزى لەنتاسىن كەسكەن №82 «دارىن» مامانداندىرىلعان ليتسەي وقۋشىلارىنىڭ ارقاسىندا قازاقستان حالىقارالىق ءبىلىم دودالارىنىڭ العاشقى وندىعىنا كىرۋى ءتيىس.

ايتا كەتەيىك، №82 «دارىن» مامانداندىرىلعان ليتسەيىنىڭ اشىلۋىنا سونداي- اق ءبىلىم جانە عىلىم ۆيتسە- ءمينيسترى ەسەنعازى يمانعاليەۆ، استانا اكىمىنىڭ ورىنباسارى ەرمەك امانشايەۆ، ءماجىلىس دەپۋتاتتارى مەن ءبىلىم سالاسىنىڭ قىزمەتكەرلەرى قاتىستى.