لوندوندا بەكبولات تىلەۋحانمەن كەزدەسكەن قازاقتار جىلاپ قالدى - فوتو
«ەلباسىمىز كەزىندە وزىق ەلدەردەن ءبىلىم الدىرماققا وندىردەي جاستاردى «بولاشاق» باعدارلاماسىمەن اتتاندىرىپ ەدى. سولارمەن قاۋىشپاققا، مەيرامدى باۋىرلارىممەن بولىسپەككە اسكەردە جۇرگەن بالاسىنىڭ ارتىنان ساعىنىپ ىزدەپ بارعان تۋىسى سەكىلدى انگلياعا جول تارتتىق! وڭ تىلەكتە بولعايسىزدار!»، - دەپ جازعان ەدى بەكبولات تىلەۋحان الەۋمەتتىك جەلىدە بىرەر كۇن بۇرىن.
«ۇلى دالا مۇراتى» اتتى كەشتە بەكبولات تىلەۋحاننىڭ ەلدىككە، تاۋەلسىزدىكتى قادىرلەۋگە شاقىرعان سوزدەرىنە، جۇرەكتەن شىققان تولعاۋ- جىرلارىنا ەرەكشە تەبىرەنگەن ەۋروپالىق قازاقتار كوز جاسىنا ەرىك بەرىپ، تانىمال تۇلعانى ۇزاق ۋاقىت قۇشاعىنان بوساتپادى.
«اڭگىمەسىن «مولدىرەگەن كوزدەرىڭنەن اينالايىن» دەپ باستاعاندا، ەلدى ساعىنعان كوبىمىز بوساڭسىپ، «اسكەرگە كەتكەن باۋىرىن اعاسى ىزدەپ كەلەتىن بۇرىندارى» دەپ قالجىڭداعان بەكبولات اعامنىڭ ءار ءسوزىن ۇيىپ تىڭداپ وتىرمىز. كەلگەنىڭىز قانداي جاقسى بولدى، اعا!»، - دەپ ويىمەن ءبولىستى جانەتتا ەسىمدى بويجەتكەن كەزدەسۋ جايلى.
دەرەككوز: NUR. KZ
