قازاقستاندىق تەڭىز ساقشىلارى باقىلاۋدى كۇشەيتتى

استانا. قازاقپارات - ءازىربايجاننىڭ مۇناي پلاتفورماسىنداعى ورتتەن سوڭ، قازاقستاندىق شەكاراشىلار تەڭىزدەگى باقىلاۋدى كۇشەيتتى.

زارداپ شەككەن ءازىربايجاندىق مۇنايشىلار مەن كۇدىكتى نىساندار تابىلعان جاعدايدا جاعالاۋ كۇزەتىنىڭ كەمەلەرى كومەك كورسەتۋگە دايىن. بۇل تۋرالى ق ر ۇلتتىق قاۋىپسىزدىك كوميتەتى شەكارا قىزمەتىنىڭ باسپا ءسوز قىزمەتى حابارلادى.

ەستەرىڭىزگە سالا كەتەيىك، جۇما كۇنى كەشكە كاسپي تەڭىزىنىڭ ءازىربايجاندىق بولىگىندە گاز قۇبىرى زاقىمدانىپ، مۇناي پلاتفورماسى ورتكە ورانعان بولاتىن. سالدارىنان 2 ادام قازا تاۋىپ، 29 مۇنايشى ءىز-ءتۇزسىز كەتكەن. الايدا كاسپي تەڭىزىندەگى كۇشتى داۋىل ىزدەستىرۋ جۇمىستارىنا كەدەرگى كەلتىرۋدە.

«قولايسىز اۋا رايىنا قاراماستان، جاعالاۋ كۇزەتىنىڭ باسشىلىعىنا قىزمەتتە جۇرگەن كەمەلەر مەن كاتەرلەرگە جاعدايدى باقىلاۋدا ۇستاپ، شۇعىل كومەك كورسەتۋگە دايىن بولۋ تۋرالى تاپسىرما بەرىلدى»، - دەلىنگەن باسپا ءسوز حابارلاماسىندا.

www.24.kz